Jɛnesis 20:3 - EBƆRƐ BE KAWƆL

³ Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

Jɛnesis 20:3 ပူးပေါင်းရင်းမြစ်များ

Jɛnesis 12:17

Ama ŋkpal ewura Fɛɛro ka daŋ sɔ Eebram be eche Sɛɛrai na so, Enyɛnpetale na daŋ shin nna nɛ alɔ lubi tɔr mo nɛ mbe basa nɛ b wɔ mbe laŋ to so.

Jɛnesis 12:18

Ndoŋ nna nɛ ewura na shuŋi nɛ b ya tre Eebram m ba nɛ e bishi mo: “Manɛ e ba nɛ fo wora ma loŋ? Nuso nɛ a ji nɛ fo maŋ kaŋɛ ma fanɛ Sɛɛrai la fo eche nna?

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

Jɛnesis 28:12

Edi na to nɛ e ku edare n wu kasakpar ka yili kasawule n ya fo ebɔrɛso nɛ Ebɔrɛ be emalaika wɔtɔ a dii kumo a gbelge.

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 37:5

Kachako nɛ Josɛf ku edare ko. E ka kaŋɛ mo daana edare na nɛ b kpal kumo so ŋ kishi mo ga n ti so.

Jɛnesis 37:9

Kachako nɛ Josɛf naŋ ku edare ko nseŋ naŋ kute kumo ŋ ŋini mo daana na. E yɛ: “Men nu nfe, n yaŋ ku edare ko nna n wu epeŋi nɛ kufɔl nɛ achɛkpabi kudukako ka bee jɔŋɛ ma ase.”

Jɛnesis 40:5

Kachako nɛ bumo basa anyɔ be ekama ku edare kanyɛ koŋwule na. Bumo be edareana na malɛ be kekama daa ŋini kusɔ ko nna.

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 46:2

Kumo be kanyɛso nɛ Jeekɔb ku bɔrɛdare n nu Ebɔrɛ ka tre mo: “Jeekɔb, Jeekɔb.” Nɛ Jeekɔb shuli ŋ kaŋɛ: “Ma nde.”

1 Kronikɛls 16:21

Ama Ebɔrɛ daa maŋ shuli nɛ ekama mɛaŋ bumo. E daŋ kpele ndoŋ be bewura kusoe nna saŋɛ na so b maaŋ wora bumo shɛŋ,

Job be kawɔl 33:15

Saŋko nɛ edimɛdi dese a di kanyɛso, Ebɔrɛ bee bɔla edare so nna a malga a sa bumo.

Job be kawɔl 33:17

Ebɔrɛ bee malga nna a sa bumo edare to nɛ k shin nɛ b lar alubi nɛ kamoowu to.

Nshɛ 105:14

Ama Ebɔrɛ daa maŋ shin nɛ ekama mɛaŋ bumo. E daŋ fɛa bewurjipo so nna ŋkpal e ka daa kuŋ mo basa so.

Jona 3:4

Jona ka luri kade na to na nɛ e nite kachɛ koŋwule m bɔ le be kubɔya. E yɛ: “Yili kabre n ya fo nchɛ adena be kefɛato, Ninɛve beeŋ mur.”

Nɔmbɛs 22:9

Loŋ be kanyɛ na nɛ Ebɔrɛ ba bishi Balaam le: “Basa mo malɛ e wɔ fo kutɔ ere?”

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”