Jɛnesis 20:2 - EBƆRƐ BE KAWƆL

² Gerar na nɛ e daŋ kaŋɛ fanɛ mbe eche Sɛɛra la mo sipoche na. Ndoŋ nna nɛ Gerar be ewura Abimelɛk shin nɛ b ya ta Sɛɛra m bar mo.

Jɛnesis 20:2 ပူးပေါင်းရင်းမြစ်များ

Jɛnesis 12:15

Amoso Ijipt be ewura nɛ baa tre Fɛɛro na be benimu ko ka wu Sɛɛrai nɛ b ya kaŋɛ Fɛɛro mbe kebita be asheŋ. Kumo be kaman nɛ b ba keta Sɛɛrai n yɔ Fɛɛro be laŋ to.

Jɛnesis 20:12

Ama e la n sipoche nna kashenteŋto bre, ŋkpal manɛ so, ma nɛ mo la ketuto koŋwule nna, ama an nioana bre e kɔr nɛ e bee kil ma.

Jɛnesis 21:22

Jemanɛ na so nɛ Abimelɛk nɛ mbe benapo be enimu nɛ baa tre Fikɔl na yɔ Eebraham kutɔ n ya kaŋɛ mo le: “An wu fanɛ kusɔ kama nɛ fee wora, Ebɔrɛ wɔ fo kutɔ nna,

Jɛnesis 26:1

Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.

Jɛnesis 26:16

Kachako nɛ ewura Abimelɛk kaŋɛ Aizek le: “Koso anyi kutɔ, ŋkpal manɛ so, naniere fo eleŋ pɔɔ anyi so nfe.”

Jɛnesis 26:7

Ama ŋkpal Aizek be eche be kebita so ndoŋ be benyɛn ko ka bishi mo mbe eche be asheŋ nɛ e kaŋɛ bumo fanɛ mo sipoche e la mo ŋkpal manɛ so, e daa lɔ kufu nna fanɛ nɛ e kaŋɛ bumo fanɛ mbe eche nna, baaŋ mɔ mo nseŋ ta eche na.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 20:37

Ama Eliaza nɛ e la Dodavahu pibinyɛn nsaa la anebi a shi Mɛrasha be kade to na daŋ kpele ewura Jehoshafat kusoe nna ŋ kaŋɛ le: “Ŋkpal fo nɛ ewura Ahaziya ka wora kɔnɔkoŋwule be ŋkre so, Enyɛnpe Ebɔrɛ beeŋ mur ekuloŋgboŋ nɛ fo lɔŋɛ ere.” Ndoŋ nna nɛ bumo be nchu so be ekuloŋgboŋana jija nɛ b lɔŋɛ amo ŋ gben.

2 Kronikɛls 32:31

Babilɔn be bejuŋkparpoana ka shuŋi mbɔ fanɛ b ya bishi ewura Hɛzekaya etɔɔnɛsheŋ nɛ Ebɔrɛ sa mo na, Ebɔrɛ daŋ wora mo nna ŋ keni e bee ji kashenteŋ a sa mo nseŋ shin nɛ ewura Hɛzekaya sa bumo mo gbagba atuwebi.

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Aŋasa 6:29

To, loŋ koŋwule na nɛ k du n sa esa kama nɛ e di mo barkasa be eche. Esa kama nɛ e wora loŋ maaŋ paŋ kasogberge kikɛ.

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Kɔlɔsiebi 3:9

Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to