Jɛnesis 2:9 - EBƆRƐ BE KAWƆL

⁹ Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Jɛnesis 2:9 ပူးပေါင်းရင်းမြစ်များ

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Jɛnesis 3:22

Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

Jɛnesis 3:3

ama e yɛ an sa maŋ kaŋ ji kedibi nɛ k yil kakpa ere be nferinto ere bre be asɔrso. E yɛ an sa maŋ beta amo gba kuraa. Nɛ mannɛ aloŋ anyeeŋ wu.”

Jɛnesis 3:5

Keni, Ebɔrɛ kaŋɛ loŋ nna ŋkpal e ka nyi fanɛ men baŋ ji kumo be asɔrso na menyeeŋ baa pin asheŋ to nsaa du fanɛ Ebɔrɛ gbagba, a nyi kelela nɛ kulubi.”

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

Ezikɛl 31:16

Jemanɛ nɛ meeŋ shin nɛ kedibi na e wu n yɔ bubuni to na, kumo be asheŋ beeŋ shin nɛ kufu e pɛ efuliana nɛ b baa chicha. Iden to be ndibi nɛ Lebanɔn be efuli so be ndibi nɛ a bee nya nchu nɛnɛ nɛ amo be nliŋi luri kasawule to kikɛ be ŋgbene beeŋ fuli amo ŋkpal k ka wu n tɔr so.

Ezikɛl 31:18

Kedibi na e la fo Ijipt be ewura nɛ mbe basa. Iden be kudɔbi na to be ndibi gba be kela daa maŋ fo feya so. Ama naniere, kananɛ Iden be ndibi wu ŋ gbelge to n yɔ bubuni to na nɛ fo alɛ gba beeŋ wu n ya tu basa nɛ b maa ŋana Ebɔrɛ nɛ bumo nɛ b wu kena to na. Ma Enyɛnpe Ebɔrɛ na e malga na.”

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Baru lela nɛ Jɔn kute na 6:48

Ma e la bodobodo nɛ k bee sa ŋkpa na.

1 Kɔrintebi 8:1

To, naniere men shin nɛ an keni nlɔŋɛjibiana be asheŋ to. An nyi fanɛ an kikɛ kɔ kanyiasheŋ fanɛ kananɛ menyee kaŋɛ na. Kanyiasheŋ malɛ e naa shin nɛ esa bee maŋ mbe kumu so nɛ kasha malɛ bee shin nɛ esa bee yɔ anishito.

Ditɛronɔmi 6:25

Nɛ fanɛ anyee wora kusɔ kama nɛ Enyɛnpe anyi be Ebɔrɛ na kaŋɛ kasonu kashenteŋto bre, mbe kagbene beeŋ baa fuli anyi so.”

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.