Jɛnesis 2:5 - EBƆRƐ BE KAWƆL

⁵ kedibi kama nɛ keduuso jiso kama daa maŋ naŋ kɔr kasawule so. Enyɛnpe Ebɔrɛ malɛ daa maŋ naŋ shin nɛ bɔrɛ ba kasawule so. Dimɛdi kikɛ malɛ daa maŋ wɔtɔ a dɔ kasawule so.

Jɛnesis 2:5 ပူးပေါင်းရင်းမြစ်များ

Jɛnesis 2:6

Saŋɛ nɛ bɔrɛ daa maŋ naŋ ba na, nchu daa shi kasawule to nna a bul a wushi kasawule na kikɛ nyam.

Jɛnesis 3:23

Amoso Enyɛnpe Ebɔrɛ daŋ ju mo ashi Iden be kudɔbi na to nna fanɛ e ya kaa shuŋ kasawule mo nɛ b daŋ ta m pɔr na so.

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

Jɛnesis 4:2

B wɔtɔ loŋ nɛ e naŋ ba kurge Keen mo sipo nɛ baa tre mo Eebel. Mbia na ka daŋ nɛ Eebel bee bela mbolpɔ nɛ Keen malɛ bee dɔ.

Job be kawɔl 5:10

Mo e naa shin nɛ bɔrɛ bee ba nɛ adɔsawule bee nya kayul.

Nshɛ 104:14

Fo alɛ e naa shin nɛ afitiri bee kɔr nɛ kowu be asɔbɔya bee nya a ji, nɛ dimɛdi malɛ bee duu asɔ kasawule so a nya ajibi a ji,

Nshɛ 135:7

Mo e naa shin nɛ bɔrɛwɔlpa bee yili durnya be ekar a ka a dii a buu so; nsaa shin nɛ bɔrɛ bee ba nsaa nyɛkpɛ nɛ afu bee shi kakpa nɛ k wɔ a chela.

Jɛremaya 10:12

Enyɛnpe Ebɔrɛ na e bɔla mbe eleŋgboŋ so n to durnya; e bɔla mbe kanyiasheŋ so nna n to durnya nseŋ parga awɔlpa to m buu kaplɛkama so.

Jɛremaya 10:13

Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.