Jɛnesis 2:4 - EBƆRƐ BE KAWƆL

⁴ To, kananɛ Enyɛnpe Ebɔrɛ daŋ to esoso nɛ kasawule nna na. E ka daŋ to amo na,

Jɛnesis 2:4 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 1:3

Ndoŋ nna nɛ Ebɔrɛ kaŋɛ: “Shin nɛ kefulto e lar n fulto.” Epul na to nɛ kaboŋ fulto par.

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 1:4

Nɛ Ebɔrɛ wu fanɛ kefulto na walɛ, nɛ e barga kefulto na be saŋɛ ashi tentembiri be saŋɛ to.

Jɛnesis 10:1

Kananɛ Nowa be mbia Shɛm nɛ Ham nɛ Jafɛf be mbiaana be nnaŋ nite nde. Nchu ka daŋ ji durnya na be kaman pɔɛŋ nɛ Nowa be bibinyɛn na daŋ nya bibinyɛnana.

Jɛnesis 11:10

Kananɛ Shɛm be kanaŋ to ebi be asheŋ nite nde. Nchugboŋ nɛ a daŋ ji durnya na be nfɛ anyɔ be kaman nɛ Shɛm nya nfɛ kalfa. Amoafɛ malɛ nɛ mo nɛ mbe eche kurge ebinyɛn n nase mo Aafaksad.

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Jɛnesis 25:12

Kananɛ Eebraham pibinyɛn Ishmaɛl nɛ Sɛɛra be kebita Heega nɛ e shi Ijipt na daŋ kurge na be mbia nɛ kanaŋ to ebi be asheŋ daŋ nite nde.

Jɛnesis 25:19

Kananɛ Eebraham pibinyɛn Aizek nɛ mbe kanaŋ to ebi be asheŋ lar nde. Aizek mo tuto e daa la Eebraham.

Jɛnesis 36:1

Isɔɔ nɛ mo koŋwule na la Edɔm na be kaman to ebi nde.

Jɛnesis 36:9

Isɔɔ nɛ e la Edɔmebi bumo tuto na be asheŋ nde. E daa wɔ Edɔm be efuli so be abee to nna.

Jɛnesis 5:1

Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

2 Kronikɛls 20:6

nseŋ kule Ebɔrɛ le: “O Enyɛnpe nɛ fo la an nananyɛnana be Ebɔrɛ. Fo e naa ji ebɔrɛso nɛ durnya ere be efuli kikɛ so kuwura. Fo alɛ kɔ eleŋ ga nɛ esa kikɛ maŋ wɔtɔ nɛ e beeŋ tiŋ m pɔɔ fo so.

Job be kawɔl 38:28

Wanɛ e la bunyaŋ nɛ bɔrɛ, amo tuto?

Job be kawɔl 38:4

Ŋ ka daa nase durnya be gbaltɔlase na, nɛ fo daa wɔtɔ a?

Nshɛ 18:31

Enyɛnpe na nawule e la Ebɔrɛ. Mo nawule e du fanɛ kefalta gboŋ a kuŋ.

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 6:16

Livai be mbinyɛnsoana be atre e daa la Gɛshɔn nɛ Kohaf nɛ Merari. Livai daŋ ji nfɛ kalfa nɛ adesa nɛ ashunu nna pɔɛŋ nseŋ wu.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.

Kelaraŋŋini 16:5

Ndoŋ nna nɛ n nu malaika mo nɛ e daa kɔ nchuana na be eleŋ na ka kaŋɛ le: “Fo nɛ fo daa wɔtɔ nseŋ kraa wɔtɔ na, wora asheŋ m bɔla ekpa ashi le be demuji ere to.