Jɛnesis 2:2 - EBƆRƐ BE KAWƆL

² Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Jɛnesis 2:2 ပူးပေါင်းရင်းမြစ်များ

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Ɛksodɔs 23:12

Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Ɛksodɔs 31:15

Nchɛnshe e daga fanɛ men ta n shuŋ menyi be ashuŋ. Kachɛ shunusopo na bre la kachɛ cheembi n sa ma, Enyɛnpe Ebɔrɛ nna nɛ esa kama daga e ka wushi kamɔnchɛ. Esa kama nɛ e shuŋ kushuŋ kikɛ kumo be kamɔnchɛ daga b ka mɔ mo.

Ɛksodɔs 31:17

K beeŋ baa la ma nɛ menyi Israɛlebi be kanyiŋi be kachɛ nna hale mbaanaayɔ, ŋkpal manɛ so, ma, Enyɛnpe Ebɔrɛ na ta nchɛ ashe nna n to esoso nɛ kasawule nseŋ wushi kachɛ shunusopo na.”

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Baru lela nɛ Jɔn kute na 5:17

Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Ditɛronɔmi 5:14

ama bɔkwe to be kachɛ shunusopo na la kewushiachɛ nna nsaa la meya. Esa kama maŋ daga fanɛ e shuŋ loŋ be kachɛ na. Menyi gbagba ŋko menyi be mbia ŋko anya ŋko asɔbɔya ŋko befɔ nɛ b wɔ menyi be efuli so na maŋ daga fanɛ b ka shuŋ. Menyi be anya gba daga fanɛ b wushi nna fanɛ kananɛ menyee wushi na.

Hibruwebi 4:10

Ŋkpal manɛ so, esa kama nɛ e luri Ebɔrɛ be kewushi to bee wushi ashi mo gbagba be ashuŋ to fanɛ kananɛ Ebɔrɛ daŋ wushi ashi mbe ashuŋ to na.

Hibruwebi 4:4

Ŋkpal manɛ so, loŋ nɛ e malga kakpa ko ŋ kaŋɛ kachɛ shunusopo na be asheŋ fanɛ: “Ndoŋ nna nɛ Ebɔrɛ wushi kachɛ shunusopo na ashi mbe ashuŋ na kikɛ to nyam.”