Jɛnesis 2:18 - EBƆRƐ BE KAWƆL

¹⁸ Kede be kaman nɛ Enyɛnpe Ebɔrɛ kaŋɛ: “K maŋ daga fanɛ enyɛn na nawule e baa wɔtɔ. Meeŋ pɔr echɛtopo nɛ e beeŋ kukwe mo n sa mo.”

Jɛnesis 2:18 ပူးပေါင်းရင်းမြစ်များ

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 2:20

Ndoŋ nna nɛ enyɛn na sa n sa asɔyigeso kikɛ nɛ mbuibi kikɛ nɛ kupuŋ to be asɔbɔya kikɛ amo be atre. Ama echɛtopo nɛ e daa beeŋ kukwe mo ere kanyɛn na bre gbagba, daa maŋ wɔ asɔ na to.

Jɛnesis 3:12

Nɛ enyɛn na kaŋɛ: “Eche mo nɛ fo ta n wɔtɔ ŋ kutɔ nfe na e sa ma kedibi na be kusɔrso nɛ n ji.”

Aŋasa 18:22

Fo baŋ nya eche fo nya kakɛ lela. Eche lela la Enyɛnpe Ebɔrɛ be kakɛ nna.

1 Kɔrintebi 7:36

Enyɛn kama nɛ e bee fɛ fanɛ e maa wora asheŋ nɛ a daga mo nɛ mo jipo be nferinto nɛ eche na malɛ gba bee bel nɛ enyɛn na wu fanɛ a daga fanɛ e ta eche na, men shin nɛ e wora kusɔ nɛ e bee sha, mannɛ kulubi nna, men shin nɛ b ta abar.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

Ruf be kawɔl 3:1

Kachako nɛ Ruf mo shache Nawomi kaŋɛ mo le: “M pibi, a maŋ daga fanɛ n fin echenakpa lela n sa fo a? Kakpa nɛ feeŋ nya fo gbagba be laŋ nɛ fo kul e baa keni fo so nɛnɛ a?