Jɛnesis 19:9 - EBƆRƐ BE KAWƆL

⁹ Ama le nɛ Sodɔmebi na daŋ kaŋɛ: “Loŋi anyi be anishito, fo alɛ efɔ ere. Wanɛ e la fo nɛ fo alɛ e tiŋ ŋ ŋini anyi kusɔ nɛ k daga fanɛ an wora? Loŋi anyi be anishito nɛ mannɛ aloŋ, kusɔ nɛ anyeeŋ wora fo beeŋ lubi a chɔ bumo peya.” Kede be kaman nɛ b ŋin Lɔt n yɔ kaman nseŋ nyisi m ba nɛ b ba bure kukuloŋ na.

Jɛnesis 19:9 ပူးပေါင်းရင်းမြစ်များ

Jɛnesis 11:6

nseŋ kaŋɛ le: “Ŋkpal basa ere ka la basa koŋwule a gbar ŋgbar koŋwule nseŋ fara a wora kusɔ nɛ baa wora ere, kumo ere kusɔ kama nɛ baa fɛ kewora, baaŋ tiŋ n wora kumo.

Jɛnesis 13:12

Eebram daŋ chena Keenan be kasawule so nna nɛ Lɔt malɛ daŋ chena nde nɛ a wɔ Jɔɔdan be ketaŋɛ na be nferinto nseŋ yuu mbe ewajɛbu m mata Sodɔm.

Ɛksodɔs 2:14

Nɛ emo nɛ e daŋ fara kolu na bishi Mosis le: “Wanɛ e ta fo ŋ ki anyi be enimu nɛ anyi be demujipo? Ŋko, fee sha kemɔ ma alɛ gba nna fanɛ kananɛ fo daŋ mɔ Ijipt be esa na a?” Ndoŋ nna nɛ kufu pɛ Mosis nɛ e kaŋɛ mbe kumu: “To, k baŋ di efuli nna na fanɛ basa pin kusɔ nɛ n wora na.”

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 17:12

Fo ka purgi buluŋ cheso nɛ k bee yɛla kenishi to a fin kumo pibi bɔ fo ka tu ewulpo a wora kawulisheŋ.

Aŋasa 27:3

Ewulpo be kewɔtɔ esa agbo to wɔgbɛ a chɔ e ka sulɔ ajembu nɛ leele.

Kaŋinichiŋgeliŋ 10:13

Ewulpo bee fara kawulisheŋ be mmalga nna, kumo be lalaloge nɛ a ya bar kebagato.

Kaŋinichiŋgeliŋ 9:3

Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Matiu 7:6

Men sa maa ta kusɔ cheembi a sa njɔnɔ. Menyi alɛ e sa maŋ naa ta menyi be eyawu kpakpaso be ashembi a lɛ a sa epreku, ŋkpal manɛ so, epreku na beeŋ chichi amo so nɛ njɔnɔ na malɛ e kilgi n diewu n wora menyi.”

1 Samuɛl 17:44

Kumo be kaman nɛ e ponte ŋ kaŋɛ Deevid le: “Ba nfe, nɛ m mɔ fo, n ta fo eyur ere n sa mbuibi nɛ kupuŋ to be asɔbɔya nɛ b ji!”

1 Samuɛl 2:16

Esa nɛ e bee lara sarga na baŋ kaŋɛ mo fanɛ e shin nɛ e chɔɔ eblaŋ na be nfɔ pɔɛŋ nɛ e ta kekama nɛ k par mo a yɔ, kayɛrbi na bee kilgi nna ŋ kaŋɛ le: “M-m, ta eblaŋ na n sa ma! Nɛ mannɛ loŋ, meeŋ sɔ amo eleŋso!”

1 Samuɛl 25:17

Amoso jande, fɛ asheŋ ere be nfɛra nseŋ wora kusɔ ko a laŋɛ kumo be kaplɛa so, ŋkpal manɛ so, k beeŋ tiŋ m bar asheŋ m ba sa an nyɛnpe nɛ mbe kanaŋ kikɛ. Ŋkpal mo alɛ ka la kagbene kpakpasowura so, e maa nu a sa esa kama!”