Jɛnesis 19:5 - EBƆRƐ BE KAWƆL

⁵ B daŋ tre Lɔt nna m bishi mo le: “Nnɛ nɛ basa nɛ b ba fo pe nfe kanyɛ ere na wɔ? Shin nɛ b lar m ba anyi kutɔ nɛ anyi nɛ bumo e di keche nɛ kenyɛn.”

Jɛnesis 19:5 ပူးပေါင်းရင်းမြစ်များ

Jɛnesis 19:6

Ndoŋ nna nɛ Lɔt lar kowu n ti kukuloŋ nseŋ yili kabuna to

1 Bewura 14:24

B daa kɔ beche nɛ benyɛn be esakale kakpa nɛ baa shuŋ agbir na nna, nɛ Judaebi na daa wora ekishi be asheŋ nɛ basa nɛ Enyɛnpe Ebɔrɛ daŋ ju kasawule na so dra dra, saŋɛ so nɛ Israɛlebi na daa ba nɛ b ba chena kumo so na, daa wora na nna.

1 Bewura 22:46

E daŋ ju esakalenyɛn nɛ becheso kikɛ nɛ b daa wɔtɔ a shuŋ agbirlambu to jemanɛ nɛ mo tuto Asa daa ji kuwurji na kikɛ na nna.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Ezikɛl 16:49

Sodɔm nɛ kumo be ndekarso to be basa daa wu bumo be amu nna ŋkpal b kaa kɔ ajibi damta a ji nseŋ naa wɔ kayurwushi to so. B daa maa keni betirpo nɛ basa nɛ asheŋ maa nyalɛ a sa na so.

Ezikɛl 16:50

B daŋ kpeŋ nna nsaa wu bumo be amu nseŋ daŋ naa wora ma ekishisheŋ. Amoso nɛ n daŋ mur bumo fanɛ kananɛ fo nyi geeŋ na.

Ezikɛl 16:51

Samɛria to be basa bre daŋ maŋ wora asheŋ lubi nɛ fo basa wora ere be barga to gba. Fo basa wora asheŋ keshiso a chɔ bumo be basa, n shin nɛ k wora fanɛ fo kurgepoana na be basa la basa lela a chɔ fo basa.

Levitikɔs 18:22

Sa maŋ kaŋ di fo barkasa enyɛn keche nɛ kenyɛn kikɛ. K la ekishi nna n sa Ebɔrɛ.

Levitikɔs 20:13

Nɛ enyɛn di mo barkasa enyɛn keche nɛ kenyɛn, kusɔ nɛ b wora na la mbushu nna na. A daga fanɛ b mɔ bumo. Bumo alɛ be luwu be turju beeŋ baa bɛ bumo nna.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

Ditɛronɔmi 23:17

Israɛl be kusɔnyɛn ŋko kusɔche kikɛ maŋ daga fanɛ e ki sakale ashi agbirlambu to kikɛ.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

2 Pita 2:2

Basa damta beeŋ bɛ bumo be anishinyɔr be asheŋ so n shin nɛ basa e malga ŋ gbiti kashenteŋ be ekpa na.

2 Pita 2:7

Ŋko nɛ e daŋ lara Lɔt nɛ e daa la elelapo ashi Ebɔrɛ be anishito na nɛ mbe kagbene daa maŋ dese mo ŋkpal mbrakinipoana na be kebaawɔtɔ jijaso na so,

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”