Jɛnesis 19:37 - EBƆRƐ BE KAWƆL

³⁷ Ndoŋ nna nɛ Lɔt pibi gboŋiso na kurge ebinyɛn nseŋ nase mbe ketre Mowab. Mo e ba ki Mowabebi bumo nananyɛn hale nɛ mbre.

Jɛnesis 19:37 ပူးပေါင်းရင်းမြစ်များ

Jɛnesis 19:36

Loŋ be ekpa na so nɛ Lɔt be bibiche anyɔ na daŋ bɔla n nya adampu ashi bumo tuto gbagba kutɔ.

Nshɛ 83:9

Wora bumo kusɔ nɛ fo wora Midianebi nɛ basa nɛ baa tre Sisɛra nɛ Jabin, ashi Kishɔn be lɔr na ase na.

Zefanaiya 2:8

Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Ditɛronɔmi 2:19

Menyeeŋ taga Ammɔnebi nɛ b la Lɔt be kaman to ebi na be kasawule to, ama men sa maŋ kaŋ tɔrɔ bumo ŋko n fara kena nɛ bumo; ŋkpal manɛ so, m maaŋ ta kasawule nɛ n ta n sa bumo na be kaba kama n sa menyi.”

Ditɛronɔmi 2:9

Ndoŋ nna nɛ Enyɛnpe Ebɔrɛ na kaŋɛ ma le: “Men sa maŋ kaŋ tɔrɔ Mowab be basa nɛ b la Lɔt be kaman to ebi na ŋko n fara kena nɛ bumo. N teŋ ta kadegboŋ nɛ baa tre Ar na nna n sa bumo, ma alɛ maaŋ ta bumo be kasawule be kaba kama n sa menyi.”

Ditɛronɔmi 23:3

Ammɔn ŋko Mowab be basa ŋko bumo be kamanebi n ya fo bumo be kenana kudusopo kikɛ maŋ ti Enyɛnpe Ebɔrɛ na be basa so.

Ruf be kawɔl 4:10

Kede be kaman, Mowabche Ruf nɛ mo kul Maalon wu ŋ ka na gba ki ma eche. Kumo be loŋ e naaŋ shin nɛ enyɛn nɛ e wu na be kapetɛ e baa wɔ mbe kanaŋ to nɛ mbe ketre malɛ e sa maŋ mur ashi mbe basa nɛ mbe kade to kikɛ. Amoso, kabre, menyee wora ma kumo be shɛda nna na!”

1 Samuɛl 14:47

Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.