Jɛnesis 19:31 - EBƆRƐ BE KAWƆL

³¹ Ndoŋ nna nɛ kachako Lɔt pibiche gboŋiso na kaŋɛ mo sipo le: “An tuto bee ki kanyɛnnimubi nna na, benyɛn malɛ maŋ wɔ kaplɛkama nɛ b ta anyi ŋ kil nɛ an kurge mbia.

Jɛnesis 19:31 ပူးပေါင်းရင်းမြစ်များ

Jɛnesis 16:2

Kachako nɛ Sɛɛrai kaŋɛ Eebram: “Keni, Enyɛnpe maŋ sa ma kakurge nna na, nɛ manɛ nna nɛ fo maaŋ tu ma kebita ere n di? Ashere e beeŋ kurge mbia n sa ma.” Ndoŋ nna nɛ Eebram shuli n sa Sɛɛrai.

Jɛnesis 16:4

Ndoŋ nna nɛ Eebram nɛ Heega gama keche nɛ kenyɛn nɛ e di kedampo. Heega ka baŋ pin fanɛ e di kedampo na nɛ e nya kamoowu nseŋ daa maŋ naa keni Sɛɛrai a bɔlɔ kenishi.

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Jɛnesis 4:1

Kachako nɛ Adam nɛ mbe eche Hawa di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Keen. Ŋkpal manɛ so, Hawa yɛ: “Enyɛnpe Ebɔrɛ na e chɛ ma to nɛ ŋ kurge ebinyɛn.”

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

Aizaaya 4:1

Jemanɛ na kaŋ fo malɛ, beche ashunu beeŋ baa shil a buu enyɛn koŋwule so a kaŋɛ le: “Anyeeŋ tiŋ a bela nsaa buu anyi be amu, jande, fo ere e baŋ shuli nɛ an baa tre fo anyi kul, saŋɛ na so anyi maaŋ ji nyɔmɔ ŋkpal anyi ka maa kil so.”

Maak 9:6

E daŋ malga loŋ nna ŋkpal kufu ka daŋ pɛ mo nɛ bumo nɛ b ka na ga so nɛ e daa maŋ nyi kusɔ nɛ e beeŋ kaŋɛ.

Ditɛronɔmi 25:5

Nɛ beniopibi wɔtɔ abar so nɛ ekoŋwule wu nsaa maŋ kurge ebi, mbe ekulpoche na maŋ daga fanɛ e ya kil esa nɛ e maŋ shi mo kul na be kanaŋ to. Mo kul nɛ e wu na mo sipo ŋko mo da e daga fanɛ e ta mo a kil.