Jɛnesis 19:3 - EBƆRƐ BE KAWƆL

³ Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

Jɛnesis 19:3 ပူးပေါင်းရင်းမြစ်များ

Jɛnesis 19:2

ŋ kaŋɛ: “N nyɛnpeana, men jande, men ba ma, menyi be kenya be laŋ to m ba fɔr menyi be aya so nseŋ di ndoŋ ŋklade. Kare kaŋ chɛ nɛ men naa yɔ menyi be enite to.” Nɛ b kaŋɛ: “M-m, anyeeŋ dese kelɔnɛ so nfe kanyɛ ere.”

Jɛnesis 21:8

Kebia na ka ba daŋ n fo kenyipo be keku nɛ Eebraham wora kejigboŋ n sa basa kumo be kachɛ na.

Jɛnesis 24:31

E ka ya tu kanyɛn na nɛ e kaŋɛ mo le: “Fo nɛ Ebɔrɛ nɛfa ere, manɛ nɛ fo yil nfe a wora? Baa ba epe. N lɔŋɛ ebu nɛ enyɔma ere gba be kakpa n yili.”

Jɛnesis 26:30

Ndoŋ nna nɛ Aizek wora kejigboŋ n sa bumo nɛ b ji gbetɛɛ.

2 Bewura 4:8

Kachako malɛ nɛ Elaisha yɔ kade ko nɛ baa tre Shunɛm nɛ damawurache ko wɔ ndoŋ. Nɛ damawurache na tre Elaisha mbe laŋ to fanɛ e ba tu mbe laŋ to ebi n ji. Baŋ yili loŋ be jemanɛ na, saŋkama nɛ Elaisha baŋ naŋ ba Shunɛm kache na b laŋ to nɛ e bee ji.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:39

Ndoŋ nna nɛ b ta bodobodo nɛ a maŋ kɔ yiisi be kubuu nɛ b gbiti n shi Ijipt na n wora bodobodo. Ŋkpal b ka daŋ ju bumo fanɛ b lar Ijipt to manaŋ na so, b daa maŋ naŋ nya saŋɛ nɛ b wɔtɔ amo yiisi ŋko n naŋ wora ajibi kama n ti so.

Luuk 11:8

To, manɛ e naŋ ka? Ma e kaŋɛ menyi na fanɛ nɛ e maŋ koso n sa fo bodobodo na ŋkpal fo ka la mo teri so gba, e beeŋ koso n sa fo kusɔ kama nɛ fee sha ŋkpal fo ka maŋ wora anishinyɔr nseŋ pere kenishi a yil a kule mo so.

Luuk 14:23

Nɛ enyɛnpe na kaŋɛ kenya na: ‘To, yɔ abɔrbigboŋana so nɛ nde karso be ekpaana so n ya leŋ basa to nɛ b ba nɛ ma ebu ere e nya m bɔlɔ basa.

Luuk 5:29

Kumo be kaman nɛ Livai ya wora kejigboŋ mo pe n sa Yesu nɛ bumo kikɛ nɛ lamposɔpoana ko nɛ basa damta ko chena a ji.

Baru lela nɛ Jɔn kute na 12:2

Ndoŋ nna nɛ Lazɔrɔs nɛ mo sipocheana na wora ajibi nɛ b keta Yesu kufɔ. Maata e daa chige ajibi na nɛ Lazɔrɔs malɛ nɛ basa nɛ b daa wɔ ndoŋ na tu Yesu a tase ejikpa.

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.

2 Kɔrintebi 5:14

Ŋkpal manɛ so, Kristo be kasha e kɔ anyi a wora asheŋ ŋkpal an ka baa nyi geeŋ fanɛ esa koŋwule e yili ekama be katelamu to n wu so so. Kumo e la fanɛ ekama malɛ e wu.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

Demujipoana 6:19

Ndoŋ nna nɛ Gidiɔn yɔ mbe laŋ to n ya mɔ kaboelote fɔlbi n daŋɛ nseŋ ta nyifu beeŋ wora kilo kudu n wora bodobodo nɛ yiisi maŋ wɔ amo to. Kumo be kaman nɛ e ta eblaŋ na nɛ amo be epuchu kikɛ n wɔtɔ kapuliya to n taga kelantaŋɛ to n sulɔ m ba sa Enyɛnpe Ebɔrɛ be malaika na ashi kedibigboŋ na be kifito.

1 Samuɛl 28:24

Epul to nɛ kache na nya manaŋ m pɛ mbe kena fɔlbi duliduli ko nɛ e bee bela na m mɔ, nseŋ ta nyifu ŋ gbiti n wora bodobodo nɛ a maŋ kɔ yiisi amo to.