Jɛnesis 19:24 - EBƆRƐ BE KAWƆL

²⁴ K maŋ chɛr nɛ Enyɛnpe shin nɛ chɛbra shi esoso a chɔ a wurge Sodɔm nɛ Gomɔra be nde na so fanɛ bɔrɛ ka bee ba na,

Jɛnesis 19:24 ပူးပေါင်းရင်းမြစ်များ

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 13:12

Eebram daŋ chena Keenan be kasawule so nna nɛ Lɔt malɛ daŋ chena nde nɛ a wɔ Jɔɔdan be ketaŋɛ na be nferinto nseŋ yuu mbe ewajɛbu m mata Sodɔm.

Jɛnesis 18:17

B ka bee yɔ nɛ Enyɛnpe na kaŋɛ mbe kumu to le: “M maaŋ ta kusɔ nɛ mee yɔ nɛ n ya wora ere ŋ ŋana Eebraham so.

Jɛnesis 19:23

Epeŋi daŋ pete nna pɔɛŋ nɛ Lɔt fo Zowar.

Job be kawɔl 1:16

Kabɔ na kraa malga nna nɛ enyɔsopo shile m ba kaŋɛ le: “Bɔrɛ nyɛkpɛ nna m ponte mbolpɔ na nɛ mbolpɔkpapoana na m mɔ. N nawule e nya n shile m ba nɛ m ba kaŋɛ fo kusɔ nɛ k wora.”

Job be kawɔl 18:15

Kumo be kaman nɛ bumo be elaŋana nɛ asɔ kikɛ e chɔɔ m mur ŋ ki nsunɔ.

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Ɛksodɔs 9:23

Mosis ka teŋi mbe kekpabi na ŋ ŋini awɔlto nɛ Enyɛnpe Ebɔrɛ shin nɛ bɔrɛ ponte ŋ gbri gbuŋ gbuŋ gbuŋ n nyɛkpɛ palpal nɛ abɔrɛjembubi fara a wurge kasawule waawaa. Enyɛnpe Ebɔrɛ daŋ shin nɛ abɔrɛjembubi be bɔrɛ na ba Ijipt be kasawule so kikɛ nna.

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Jɛremaya 20:16

Ebɔrɛ e shin nɛ amodoŋwura e ki fanɛ ndegboŋ nɛ Enyɛnpe Ebɔrɛ daa maŋ wu kuwɔr nseŋ mur amo na. Ebɔrɛ e shin nɛ e baa nu kushu be asheŋ kachipurso kikɛ nsaa nu kena be asheŋ kapaso kikɛ.

Jɛremaya 23:14

Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Jɛremaya 49:18

Kusɔ nɛ k daŋ wora ndegboŋ nɛ baa tre Sodɔm nɛ Gomɔra dra dra na e naaŋ wora Edɔm be efuli so gba jemanɛ nɛ amo nɛ nde nɛ a kulti amo na kikɛ daŋ mur na. Esa kama maaŋ naŋ chena Edɔm be efuli so kikɛ. Ma, Enyɛnpe Ebɔrɛ e kaŋɛ na.

Jɛremaya 50:40

Kusɔ nɛ k wora ndegboŋ nɛ b daa tre Sodɔm nɛ Gomɔra nɛ ndewurbi nɛ a kulti amo jemanɛ nɛ n daŋ mur amo na, koŋwule e naaŋ wora Babilɔn be efuli so gba. Esa kama maaŋ naŋ chena kumo so kikɛ. Ma, Enyɛnpe Ebɔrɛ e kaŋɛ na.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Luuk 10:12

Mee kaŋɛ menyi nna fanɛ demujiachɛ na, asheŋ beeŋ ba bɔ Sodɔmebi so a chɔ kananɛ a beeŋ ba du n sa loŋ be kade na to ebi.”

Ditɛronɔmi 28:24

nɛ afugboŋ nɛ shishɛrpumpuŋ e sɔ kaplɛkama n ya fo fanɛ men ka beeŋ mur cheche.

Ditɛronɔmi 29:22

Aloŋ beeŋ shin nɛ menyi be mbia nɛ baaŋ koso echefoso nɛ befɔ nɛ baaŋ shi efuli wɔfɔ so m ba na e wu kumu lubi gboŋgboŋi nɛ etɔrɔ nɛ Enyɛnpe Ebɔrɛ na daŋ shin nɛ a ba men be kasawule so. Nfɔl nɛ jɛrbi beeŋ jija men be adɔsawule kikɛ nɛ a ki jiga a dese nɛ b maaŋ tiŋ n duu shɛŋ amo so. Afitiri gba maaŋ naŋ tiŋ ŋ kɔr adɔsawule na so.

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

2 Pita 2:6

Ŋko nɛ e daŋ wu Sodɔm nɛ Gomɔra be nde na to ebi be alubi nseŋ daŋ chɔɔ amo edɛ nyam n ta kusɔ nɛ k daŋ wora bumo na a ŋini kusɔ nɛ k beeŋ ba wora bɔrɛkinipoana na, e beeŋ yige le be befɛpo ere bre a?

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.