Jɛnesis 19:17 - EBƆRƐ BE KAWƆL

¹⁷ B ka baŋ keta Lɔtana n lar kade na to nɛ emalaika na be eko kaŋɛ le: “Men baa shil a mɔlga menyi be ŋkpa! Menyi be ekama malɛ e sa maŋ kaŋ gbɛ ŋ keni kaman ŋko n yili ketaŋɛ nɛ k wɔ menyi be anishito ere to. Men shile a yɔ abee ere ase, saŋɛ na so b maaŋ mɔ menyi.”

Jɛnesis 19:17 ပူးပေါင်းရင်းမြစ်များ

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 14:10

Sidim be ketaŋɛ na malɛ to daa kɔ kootal be amaŋ chiŋgeliŋ nna, amoso Sodɔm nɛ Gomɔra be bewura na nɛ bumo be benapo ka daŋ shile a lar kena na to na nɛ bumo be beko tɔr amaŋ na be ako to nɛ bumo nɛ b ka na malɛ shile n yɔ abee ko to n ya ŋana.

Jɛnesis 18:22

B ka bee malga na nɛ benyɛn anyɔ na yige bumo nseŋ sɔ Sodɔm be kaba so a yɔ. Nɛ Eebraham shir a yil Enyɛnpe na kutɔ.

Jɛnesis 19:18

Nɛ Lɔt kaŋɛ: “M-m, jande sa maŋ kaŋ shin nɛ an wora loŋ, n nyɛnpe.

Jɛnesis 19:22

Ama men baa shil manaŋ manaŋ. M maaŋ tiŋ n wora shɛŋ ama men fo ndoŋ nna pɔɛŋ.” [Ŋkpal Lɔt ka daŋ tre kade na kadebi na so so, b daa tre kumo Zowar nna.]

Jɛnesis 19:26

Ama Lɔtana ka daa shil a yɔ na nɛ Lɔt be eche bre gbɛ ŋ keni kaman nseŋ kilgi kafɔljembu a yil.

Jɛnesis 19:30

Ama ŋkpal Lɔt ka daa lɔ kufu a laŋɛ kechena Zowar to so, mo nɛ mbe bibiche anyɔ na daŋ koso ndoŋ nna n yɔ abee na to n ya kaa wɔ kebeelaŋ ko to.

1 Bewura 1:12

Nɛ fee sha kumɔlga fo kumu nɛ fo pibinyɛn Sɔlɔmɔn bre, kumo ere meeŋ ji fo asoeto nna

1 Bewura 19:3

Anebi Elaija ka nu loŋ nɛ kufu pɛ mo nɛ e shile a mɔlga mbe kumu. E daŋ keta mbe kayɛrbi nna n yɔ Bɛshiba nɛ k wɔ Juda be efuli so be kelargato be kaseto na n ya yige mo ndoŋ.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Jɛremaya 48:6

Men shile manaŋ m mɔlga menyi be efute! Men ta kumu n shoŋi keshishɛrsawule so a yɔ fanɛ kurma nɛ e yeŋ na.

Nɔmbɛs 16:26

Nɛ Mosis kpele basa na kusoe ŋ kaŋɛ le: “Men loŋi basa lubi ere be ewajɛbu ase. Men sa maŋ beta bumo be kusɔ kama, nɛ manɛ aloŋ menyi nɛ bumo kikɛ beeŋ wu ŋkpal bumo be alubi so.”

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Luuk 12:23

ŋkpal manɛ so, eyur e chɔ asɔbuuso.

Luuk 9:62

Nɛ Yesu kaŋɛ mo: “Esa kama nɛ e pɛ katekpa to a dɔ nsaa wɔtɔ a gbɛ a keni kaman, maaŋ tiŋ n wora shɛŋ. Loŋ koŋwule nɛ Ebɔrɛ be kuwura na to be kushuŋ na du.”

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

1 Samuɛl 19:11

Ndoŋ nna nɛ Sɔɔl shuŋi mbe basa fanɛ b ya kulti Deevid be laŋ n wɔtɔ, kare kaŋ chɛ kachipurso nɛ b mɔ mo. Nɛ Deevid be eche Mikaal kpele mo kusoe ŋ kaŋɛ le: “Fo baa maŋ shile kanyɛ ere, echefo baaŋ mɔ fo.”