Jɛnesis 19:16 - EBƆRƐ BE KAWƆL

¹⁶ Lɔt ka wɔtɔ a jija saŋɛ nɛ emalaika na pɛ mo nɛ mbe eche nɛ bumo be bibiche anyɔ na be enɔana to ŋ gberge bumo n lar kade na to, ŋkpal Enyɛnpe na ka daŋ wu bumo kuwɔr so.

Jɛnesis 19:16 ပူးပေါင်းရင်းမြစ်များ

Jɛnesis 19:15

Kaboŋ ka ba kpaŋɛ to nɛ emalaika na wora ania fanɛ baaŋ shin nɛ Lɔt e wora manaŋ nseŋ kaŋɛ mo le: “Wora manaŋ n ta fo eche nɛ fo bibiche anyɔ ere n lar, saŋɛ na so men maaŋ paŋ menyi be ŋkpa saŋɛ nɛ kade ere bee mur na.”

Jɛnesis 43:10

Keni, nɛ an daa maŋ jija saŋɛ nna m ba fo mbre, n dafanɛ an yɔ ndoŋ m bɛta m ba ale anyɔ gba.”

1 Kronikɛls 16:34

Men ta kechɔrɔ n sa Enyɛnpe Ebɔrɛ ŋkpal manɛ so, e walɛ, nɛ mbe kasha malɛ wɔtɔ mbaanaayɔ.

Nshɛ 103:13

Kananɛ bekurgepo bee sha bumo be mbia ga na, aloŋ nɛ Enyɛnpe Ebɔrɛ gba bee sha bekama nɛ baa bunyaŋ mo na ga.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Nshɛ 107:1

Men di Enyɛnpe Ebɔrɛ na epaŋ, ŋkpal manɛ so, e walɛ, nɛ mbe kasha nɛ k maa chɛrga na, malɛ wɔtɔ mbaanaayɔ.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 118:1

Men di Enyɛnpe Ebɔrɛ na epaŋ, ŋkpal manɛ so, e walɛ nɛ mbe kasha nɛ k maa chɛrga na malɛ wɔtɔ mbaanaayɔ.

Nshɛ 119:60

Meeŋ baa nya manaŋ a wora fo mbraana kasonu.

Nshɛ 136:1

Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

Nshɛ 32:10

Belubiworapo beeŋ luri awurfoŋ be yiri yiri to. Ama Enyɛnpe Ebɔrɛ na beeŋ ta mbe kasha nɛ k maa loge na ŋ kuŋ basa nɛ b yirda mo na bre.

Nshɛ 33:18

Enyɛnpe Ebɔrɛ na bee keni bekama nɛ baa wora mo kasonu so nna; nɛ mbe kasha nɛ k maa loge na malɛ wɔ bekama nɛ b yirda mo na so.

Nshɛ 33:19

E bee mɔlga bumo nna nɛ b maa wu manaŋ, nsaa sa bumo ŋkpa akoŋgboŋ be saŋɛ.

Nshɛ 34:12

Menyeeŋ baa sha kenu kebaawɔtɔ to be ebel a? Menyeeŋ baa sha efute tenteŋ nɛ kagbenefuli a?

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Ɛksodɔs 34:7

Ma e naa ŋini benananyɛn ŋgboŋto ŋgboŋto kasha nsaa ta basa be edalubi nɛ kumukpakpaso nɛ alubi a paŋ bumo na. Ama ma alɛ maa kplaŋ alubiworapoana be kewora n jija so a maa gberge bumo kusoe. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.”

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Baru lela nɛ Jɔn kute na 6:44

Esa kama maaŋ tiŋ m ba ma kutɔ ama Etuto nɛ e shuŋi ma na baŋ bar mo ŋ kutɔ nna, ma alɛ beeŋ tiŋi amodoŋwura ashi luwu to lalaloge be kachɛ na.

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

2 Kɔrintebi 1:3

Men shin nɛ an baa chɔrɔ Ebɔrɛ, an Nyɛnpe Yesu Kristo mo Tuto na. Mo e la Etuto nɛ e kɔ kuwɔr nseŋ naa la esa nɛ keleŋto kikɛ bee shi mo kutɔ na.

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.

Ditɛronɔmi 6:21

Ndoŋ nna nɛ men kaŋɛ bumo le: ‘An daa la Ijipt be ewura Fɛɛro be anya nna, ama Enyɛnpe Ebɔrɛ na ta mbe eleŋgboŋ ŋ kɔ n sɔ anyi n yige.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Joshuwa 6:22

Ndoŋ nna nɛ Joshuwa kaŋɛ basa anyɔ nɛ b daŋ shuŋi fanɛ b ya dara kade na le: “Men luri sakaleche na be laŋ to n lara mo nɛ mbe laŋ to ebi kikɛ ŋkpal manɛ so, loŋ be kɔnɔ nɛ men nase n sa mo.”

2 Pita 2:7

Ŋko nɛ e daŋ lara Lɔt nɛ e daa la elelapo ashi Ebɔrɛ be anishito na nɛ mbe kagbene daa maŋ dese mo ŋkpal mbrakinipoana na be kebaawɔtɔ jijaso na so,

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,