Jɛnesis 19:14 - EBƆRƐ BE KAWƆL

¹⁴ Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Jɛnesis 19:14 ပူးပေါင်းရင်းမြစ်များ

Jɛnesis 19:15

Kaboŋ ka ba kpaŋɛ to nɛ emalaika na wora ania fanɛ baaŋ shin nɛ Lɔt e wora manaŋ nseŋ kaŋɛ mo le: “Wora manaŋ n ta fo eche nɛ fo bibiche anyɔ ere n lar, saŋɛ na so men maaŋ paŋ menyi be ŋkpa saŋɛ nɛ kade ere bee mur na.”

Jɛnesis 19:17

B ka baŋ keta Lɔtana n lar kade na to nɛ emalaika na be eko kaŋɛ le: “Men baa shil a mɔlga menyi be ŋkpa! Menyi be ekama malɛ e sa maŋ kaŋ gbɛ ŋ keni kaman ŋko n yili ketaŋɛ nɛ k wɔ menyi be anishito ere to. Men shile a yɔ abee ere ase, saŋɛ na so b maaŋ mɔ menyi.”

Jɛnesis 19:22

Ama men baa shil manaŋ manaŋ. M maaŋ tiŋ n wora shɛŋ ama men fo ndoŋ nna pɔɛŋ.” [Ŋkpal Lɔt ka daŋ tre kade na kadebi na so so, b daa tre kumo Zowar nna.]

2 Kronikɛls 30:10

Mbɔ na daŋ yɔ nde nɛ a wɔ Efrayim nɛ Manase be eyiriana na be efuli so kikɛ to nna hale n ta n ya fo Zɛbyulɔn be yiri na be kelargato be esoso be kaba so kikɛ, ama basa daŋ mushe bumo nna nseŋ wora bumo amɔmɔshiasheŋ.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Ɛksodɔs 12:31

Epul na to nɛ Fɛɛro shuŋi n tre Mosis nɛ Ɛɛrɔn kanyɛso na kikɛ nseŋ kaŋɛ bumo: “Men bela n lar ma efuli so, menyi nɛ Israɛlebi nɛ b wɔ nfe na kikɛ. Men baa yɔ n ya bunyaŋ Enyɛnpe Ebɔrɛ na fanɛ kananɛ men kule ma na.

Ɛksodɔs 9:21

Ama bekama nɛ b daŋ kplaŋ Enyɛnpe Ebɔrɛ be kamalga na so na bre daŋ shin nna nɛ bumo be anya nɛ asɔbɔya na a kilgi to.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 28:22

Men sa maŋ kaa mushe kasokpele nɛ mee sa menyi ere! Nɛ men kaŋ wora loŋ, k beeŋ baa du kpakpa n sa menyi nɛ men nya n lar asheŋ to. N nu fanɛ Enyɛnpetale Ebɔrɛ na yili kumo nna fanɛ e beeŋ mur efuli na kikɛ.

Jɛremaya 20:7

Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Jɛremaya 43:1

Ŋ ka kaŋɛ basa na kusɔ kama nɛ Enyɛnpe, bumo be Ebɔrɛ na kaŋɛ na n loge,

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

Ezikɛl 20:49

Ndoŋ nna nɛ n fubel ŋ kaŋɛ: “Enyɛnpetale Ebɔrɛ, sa maŋ shin nɛ n wora loŋ! Ekama bee malga a kaŋɛ fanɛ aŋasa nɛ mee bɔ nɛ a bee wul bumo to.”

Nɔmbɛs 16:21

“Men barga men be amu ashi basa na kutɔ saŋɛ na so, meeŋ mɔ bumo epul ere to.”

Nɔmbɛs 16:26

Nɛ Mosis kpele basa na kusoe ŋ kaŋɛ le: “Men loŋi basa lubi ere be ewajɛbu ase. Men sa maŋ beta bumo be kusɔ kama, nɛ manɛ aloŋ menyi nɛ bumo kikɛ beeŋ wu ŋkpal bumo be alubi so.”

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Matiu 1:18

Kananɛ b kurge Yesu Kristo nde. B daŋ yili kumo nna fanɛ Yesu mo nio Mɛɛri nɛ Josɛf e kil, ama pɔɛŋ nɛ b ta abar, b wu fanɛ Kiyoyu Cheeŋ na shin nɛ Mɛɛri di kedampo.

Matiu 9:24

“Ekama e lar! Kebichebi na maŋ wu nna, e bee di nna.” E ka kaŋɛ loŋ na nɛ basa na fara a mushe mo.

Luuk 24:11

Ama b daa maŋ yirda bumo nseŋ daa tama fanɛ bumo be mmalga na daa la mmalga fuloŋ nna.

Luuk 9:42

Kebia na ka bee ba nɛ kiyoyu lubi na da mo n lɛ kasawule n shin nɛ e bee sela aya to a kpa enɔana fanɛ kegbuŋgbuŋwura. Ndoŋ nna nɛ Yesu fiɛ kiyoyu lubi na so n chɛ kebia na nseŋ ta mo m bɔɔ mo tuto enɔ.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.