Jɛnesis 18:9 - EBƆRƐ BE KAWƆL

⁹ B ka ji n loge nɛ b bishi mo le: “Nnɛ nɛ fo eche Sɛɛra wɔ?” Nɛ Eebraham kaŋɛ: “E wɔ wajɛbu ere to.”

Jɛnesis 18:9 ပူးပေါင်းရင်းမြစ်များ

Jɛnesis 18:10

Ndoŋ nna nɛ basa asa na to be emo nɛ e la Enyɛnpe na kaŋɛ: “Kafɛ a ba saŋɛ ere so, meeŋ naŋ bɛta m ba fo kutɔ. Loŋ be saŋɛ na malɛ nɛ fo eche Sɛɛra kurge ebinyɛn.” E ka bee malga na nɛ Sɛɛra wɔ mbe kaman ashi wajɛbu na be kabuna to a nu kusɔ nɛ baa malga na.

Jɛnesis 18:8

Kumo be kaman nɛ e ta kenyipo ko nɛ wagashi n ti eblaŋ nɛ b daŋɛ na so n ya yili bumo be anishito nseŋ kilgi a yil bumo kutɔ kedibi na be kifito nɛ b ji ajibi na.

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

Jɛnesis 3:9

Ndoŋ nna nɛ Enyɛnpe Ebɔrɛ tre enyɛn na m bishi mo le: “Fo wɔ nnɛ?”

Jɛnesis 31:33

Jeekɔb ka kaŋɛ loŋ na nɛ Leeban luri mo ere Jeekɔb be wajɛbu to nɛ Lia nɛ bumo be mbita anyɔ na be ewajɛbu to ŋ keni ama e daa maŋ wu shɛŋ. Kumo be kaman nɛ e ya luri Reechel malɛ peya to.

Jɛnesis 4:9

Kumo be kaman nɛ Enyɛnpe Ebɔrɛ na bishi Keen: “Fo sipo Eebel wɔ nnɛ?” Nɛ Keen kaŋɛ Enyɛnpe Ebɔrɛ na le: “M maŋ nyi. Ma e naa keni n sipo so a?”

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.