Jɛnesis 18:8 - EBƆRƐ BE KAWƆL

⁸ Kumo be kaman nɛ e ta kenyipo ko nɛ wagashi n ti eblaŋ nɛ b daŋɛ na so n ya yili bumo be anishito nseŋ kilgi a yil bumo kutɔ kedibi na be kifito nɛ b ji ajibi na.

Jɛnesis 18:8 ပူးပေါင်းရင်းမြစ်များ

Jɛnesis 18:7

Eebraham ka malga loŋ n loge nɛ e shile n yɔ kenalu to n ya pɛ kena fɔlbi danso nɛ e maŋ naŋ shinto m ba sa mbe kenya nɛ e lɔŋɛ mo manaŋ.

Jɛnesis 18:9

B ka ji n loge nɛ b bishi mo le: “Nnɛ nɛ fo eche Sɛɛra wɔ?” Nɛ Eebraham kaŋɛ: “E wɔ wajɛbu ere to.”

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Aizaaya 7:15

Kebia na baŋ daŋ m pin asheŋ, nsaa nyi kelela nɛ kulubi, e beeŋ baa nuu kenyipochu nsaa ji mushoŋ.

Aizaaya 7:22

kumo ere asɔbɔya na beeŋ baa sa mo kenyipochu damta ga nɛ e bɔla amo so n nya kusɔ kama nɛ e bee sha. Kashenteŋto, basa gbrɛbi nɛ baaŋ ji efute nseŋ ka a wɔ kasawule na so na beeŋ nya kenyipochu nɛ mushoŋ a ji.

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 17:8

Mannɛ ale nɛ feeŋ kaŋɛ mo a: ‘Keni, wora ajibi n sa ma nseŋ kre to ŋ keni to nɛ n ji nseŋ nuu n loge pɔɛŋ nɛ fo alɛ e ji nseŋ nuu’?

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Luuk 24:43

nɛ e ta kumo n we bumo be anishito ndoŋ.

Baru lela nɛ Jɔn kute na 12:2

Ndoŋ nna nɛ Lazɔrɔs nɛ mo sipocheana na wora ajibi nɛ b keta Yesu kufɔ. Maata e daa chige ajibi na nɛ Lazɔrɔs malɛ nɛ basa nɛ b daa wɔ ndoŋ na tu Yesu a tase ejikpa.

Ashuŋ Shunso 10:41

Mannɛ basa kikɛ e daŋ wu mo she anyi, bumo nɛ Ebɔrɛ lara fanɛ an baa la mbe eshɛdajipoana na. Ebɔrɛ ka shin nɛ e tiŋi luwu to na be kaman anyi nɛ mo daŋ ji nseŋ nuu.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.

Demujipoana 13:15

Manoa daŋ maŋ nyi fanɛ Enyɛnpe Ebɔrɛ na be malaika kutɔ nɛ e daa malga na, amoso nɛ e kaŋɛ kanyɛn na le: “Jande, sa maŋ kaŋ yɔ naniere. Shin nɛ an mɔ kaboe fɔlbi n daŋɛ n sa fo pɔɛŋ nɛ fo baa yɔ.” Nɛ malaika na kaŋɛ mo: “Hale nɛ m maŋ yɔ gba, m maaŋ ji fo ajibi na. Ama nɛ fee sha bre fo wora amo n chɔɔ n lara sarga n sa Enyɛnpe Ebɔrɛ na.”

Demujipoana 5:25

Sisɛra daŋ kule Jaɛl nchu nna, ama kenyipochu nɛ e sa mo. Kawie nɛ k daga bewura to nɛ e wɔtɔ kenyipochu na m ba sa mo.