Jɛnesis 18:7 - EBƆRƐ BE KAWƆL

⁷ Eebraham ka malga loŋ n loge nɛ e shile n yɔ kenalu to n ya pɛ kena fɔlbi danso nɛ e maŋ naŋ shinto m ba sa mbe kenya nɛ e lɔŋɛ mo manaŋ.

Jɛnesis 18:7 ပူးပေါင်းရင်းမြစ်များ

Jɛnesis 18:6

Kumo be kaman nɛ Eebraham wora manaŋ n luri mbe wajɛbu to n ya kaŋɛ Sɛɛra le: “Jɔ fo nyifu lela na manaŋ kananɛ a beeŋ fo basa asa ere ŋ gbiti amo n wora bodobodo.”

Jɛnesis 18:8

Kumo be kaman nɛ e ta kenyipo ko nɛ wagashi n ti eblaŋ nɛ b daŋɛ na so n ya yili bumo be anishito nseŋ kilgi a yil bumo kutɔ kedibi na be kifito nɛ b ji ajibi na.

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

Eemɔs 6:4

Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Matiu 22:4

Ndoŋ nna nɛ e naŋ shuŋi anya ko n ti so ŋ kaŋɛ bumo: ‘Men ya kaŋɛ basa nɛ n tre na fanɛ n loge ma kejigboŋ be ajibi na. B teŋ bɛ ma ana nɛ amo be afɔlbi danso n loge nɛ kusɔ kama wora shiriya, amoso, men baa ba kejafɔ to be kejigboŋ na to.’

Luuk 15:23

Amo be kaman, men ya pɛ kenafɔlbi danso na m mɔ nɛ an wora kejigboŋ n ji anyi be amu,

Luuk 15:27

Ndoŋ nna nɛ kenya na kaŋɛ mo le: ‘Fo sipo e ba nɛ fo tuto shin nɛ b mɔ kenafɔlbi danso na ŋkpal fo sipo ka bɛta m ba nɛ eyur be alenfia na so.’ Ndoŋ nna nɛ e nya agbo nseŋ kini keluri laŋ to.

Luuk 15:30

Ŋkeshin nɛ, keni kananɛ fo pibi ere ta fo asɔ n ya jija ebojuache so nseŋ bɛta m ba nɛ fo shin nɛ b mɔ kenafɔlbi danso loŋ n sa mo.’

1 Samuɛl 28:24

Epul to nɛ kache na nya manaŋ m pɛ mbe kena fɔlbi duliduli ko nɛ e bee bela na m mɔ, nseŋ ta nyifu ŋ gbiti n wora bodobodo nɛ a maŋ kɔ yiisi amo to.