Jɛnesis 18:6 - EBƆRƐ BE KAWƆL

⁶ Kumo be kaman nɛ Eebraham wora manaŋ n luri mbe wajɛbu to n ya kaŋɛ Sɛɛra le: “Jɔ fo nyifu lela na manaŋ kananɛ a beeŋ fo basa asa ere ŋ gbiti amo n wora bodobodo.”

Jɛnesis 18:6 ပူးပေါင်းရင်းမြစ်များ

Jɛnesis 18:5

nɛ n fin kusɔ ko n sa menyi nɛ men ji nseŋ nya eleŋ n naa yɔ menyi be enite to. Men maŋkura ma nna so nɛ men ba ma pe na, amoso men shin nɛ n wora kusɔ ko n sa menyi nɛ men ji.” Ndoŋ nna nɛ b shuli so nseŋ kaŋɛ: “To, an nu.”

Jɛnesis 18:7

Eebraham ka malga loŋ n loge nɛ e shile n yɔ kenalu to n ya pɛ kena fɔlbi danso nɛ e maŋ naŋ shinto m ba sa mbe kenya nɛ e lɔŋɛ mo manaŋ.

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

2 Samuɛl 13:6

Ndoŋ nna nɛ Amnɔn wora fanɛ e ka bee lɔ na nseŋ ya dese mbe gedo so. Ewura Deevid ka yɔ nɛ e ya wu mo nɛ Amnɔn kaŋɛ mo le: “Jande shin nɛ Tamaa e ba daŋɛ ajibi lela ko n sa ma nfe nsaa ku amo a sa ma nɛ m baa ji.”

Nshɛ 119:60

Meeŋ baa nya manaŋ a wora fo mbraana kasonu.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Matiu 13:33

Nɛ Yesu naŋ bɔ bumo keŋasa ko ŋ kaŋɛ: “Ebɔrɛso be kuwura na du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

1 Pita 4:9

Men baa sɔ abar men peana nsaa maa muni to.

Demujipoana 6:19

Ndoŋ nna nɛ Gidiɔn yɔ mbe laŋ to n ya mɔ kaboelote fɔlbi n daŋɛ nseŋ ta nyifu beeŋ wora kilo kudu n wora bodobodo nɛ yiisi maŋ wɔ amo to. Kumo be kaman nɛ e ta eblaŋ na nɛ amo be epuchu kikɛ n wɔtɔ kapuliya to n taga kelantaŋɛ to n sulɔ m ba sa Enyɛnpe Ebɔrɛ be malaika na ashi kedibigboŋ na be kifito.

1 Samuɛl 28:24

Epul to nɛ kache na nya manaŋ m pɛ mbe kena fɔlbi duliduli ko nɛ e bee bela na m mɔ, nseŋ ta nyifu ŋ gbiti n wora bodobodo nɛ a maŋ kɔ yiisi amo to.