Jɛnesis 18:5 - EBƆRƐ BE KAWƆL

⁵ nɛ n fin kusɔ ko n sa menyi nɛ men ji nseŋ nya eleŋ n naa yɔ menyi be enite to. Men maŋkura ma nna so nɛ men ba ma pe na, amoso men shin nɛ n wora kusɔ ko n sa menyi nɛ men ji.” Ndoŋ nna nɛ b shuli so nseŋ kaŋɛ: “To, an nu.”

Jɛnesis 18:5 ပူးပေါင်းရင်းမြစ်များ

Jɛnesis 18:6

Kumo be kaman nɛ Eebraham wora manaŋ n luri mbe wajɛbu to n ya kaŋɛ Sɛɛra le: “Jɔ fo nyifu lela na manaŋ kananɛ a beeŋ fo basa asa ere ŋ gbiti amo n wora bodobodo.”

Jɛnesis 19:8

Men keni, ma ere kɔ besuŋgurbi anyɔ nɛ b maŋ naŋ pin benyɛn gba. Amoso, men shin nɛ ŋ keta bumo m bar menyi nɛ men wora bumo kusɔ kama nɛ menyee sha. Ama men sa maŋ kaŋ wora basa ere bre shɛŋ. B la befɔ nna nseŋ ba ma pe nɛ k daga fanɛ ŋ keni bumo so nɛnɛ.”

Jɛnesis 33:10

Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

1 Bewura 17:11

Kache na ka bee yɔ nɛ e ya jɔ nchu na m ba, nɛ e naŋ kaŋɛ mo le: “Jande wora n fin ajibi gba n ti so a bar ma.”

Nshɛ 104:15

nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Aizaaya 3:1

To, Enyɛnpetale Ebɔrɛ na bee shin nɛ e lara kusɔ kama nɛ esa kama nɛ basa ta bumo be anishi n yuu so ashi Jerusalɛm to nɛ Juda be efuli so nna. E bee shin nɛ e lara bumo be ajibi jiso nɛ nchu nuuso,

Matiu 6:11

Yaŋ sa anyi ajibi nɛ a daga anyi kabre,

Demujipoana 13:15

Manoa daŋ maŋ nyi fanɛ Enyɛnpe Ebɔrɛ na be malaika kutɔ nɛ e daa malga na, amoso nɛ e kaŋɛ kanyɛn na le: “Jande, sa maŋ kaŋ yɔ naniere. Shin nɛ an mɔ kaboe fɔlbi n daŋɛ n sa fo pɔɛŋ nɛ fo baa yɔ.” Nɛ malaika na kaŋɛ mo: “Hale nɛ m maŋ yɔ gba, m maaŋ ji fo ajibi na. Ama nɛ fee sha bre fo wora amo n chɔɔ n lara sarga n sa Enyɛnpe Ebɔrɛ na.”

Demujipoana 19:5

Kachɛ nasopo na be kachipurso nɛ bumo kikɛ wule ŋ koso nɛ Livai be kanyɛn na nɛ mo jipoche na fara a bela ase nɛ b yɔ. Ama le nɛ eche na mo tuto kaŋɛ mo: “Shin nɛ b wora ajibi nɛ fo ji pɔɛŋ nsaa yɔ. A daga fo ka nya eleŋ a yɔ.”

Demujipoana 6:18

Jande, jo ma nɛ m bar ma kakɛ ere m ba sa fo pɔɛŋ nɛ fo baa yɔ.” Nɛ Enyɛnpe Ebɔrɛ na kaŋɛ: “Meeŋ jo nɛ fo yɔ m ba.”

Demujipoana 6:19

Ndoŋ nna nɛ Gidiɔn yɔ mbe laŋ to n ya mɔ kaboelote fɔlbi n daŋɛ nseŋ ta nyifu beeŋ wora kilo kudu n wora bodobodo nɛ yiisi maŋ wɔ amo to. Kumo be kaman nɛ e ta eblaŋ na nɛ amo be epuchu kikɛ n wɔtɔ kapuliya to n taga kelantaŋɛ to n sulɔ m ba sa Enyɛnpe Ebɔrɛ be malaika na ashi kedibigboŋ na be kifito.