Jɛnesis 18:32 - EBƆRƐ BE KAWƆL

³² Ade kikɛ be kaman nɛ Eebraham naŋ kaŋɛ: “N nyɛnpe, jande sa maŋ kaŋ nya agbo, nɛ m malga kela koŋwule nseŋ yige. Nɛ fo nya basa nɛ b niŋi kudu nawule malɛ, nuso nɛ asheŋ beeŋ baa du?” Nɛ Enyɛnpe na kaŋɛ: “Ŋkpal basa kudu gba so, m maaŋ mur kumo.”

Jɛnesis 18:32 ပူးပေါင်းရင်းမြစ်များ

Jɛnesis 18:30

Ndoŋ nna nɛ Eebraham naŋ kaŋɛ: “Jande, sa maŋ kaŋ nya agbo Enyɛnpe, ama ŋ kraa sha kenaŋ m malga nna. Nɛ b la basa adesa nawule malɛ ai?” Nɛ e kaŋɛ: “Nɛ m baŋ nya basa nɛ b niŋi adesa ndoŋ, m maaŋ mur kumo.”

Jɛnesis 18:31

Nɛ Eebraham naŋ bɛta ŋ kaŋɛ: “Jande Enyɛnpe, ta ma gbenshe ere m paŋ ma ŋkpal ŋ ka kraa malga fo kutɔ ere so. An ta fanɛ nɛ fo nya basa nɛ b niŋi adunyɔ nawule ai?” Nɛ Enyɛnpe na kaŋɛ: “Ŋkpal basa adunyɔ gba so, m maaŋ mur kade na.”

Jɛnesis 44:18

Ndoŋ nna nɛ Juda yɔ mo kutɔ n ya kaŋɛ mo: “N nyɛnpe jande, shin nɛ fo kenya e malga kamalgabi ko n sa fo, n nyɛnpe. N nyi fo nɛ ewura Fɛɛro ka sasa, ama jande, sa maŋ nya agbo n wora ma.

Job be kawɔl 33:23

Ashere Ebɔrɛ be emalaika ŋgboŋ to ŋgboŋ to nɛ baa nyiŋi edimɛdi kusɔ nɛ k daga na be eko e naaŋ ba chɛ bumo to.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aizaaya 65:8

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Esa kikɛ maaŋ shuli n ta asɔrso nɛ baa tre greep na be alela n lɛ, ama e beeŋ ta amo n wora yabra nna. To, ma alɛ gba maaŋ shuli m mur ma basa kikɛ, ama meeŋ mɔlga bumo nɛ baa shuŋ ma na.

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Matiu 7:7

Men kule nseŋ nya, men fin nseŋ wu, men ŋmɛa kabuna nɛ b bugi n sa menyi.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Demujipoana 6:39

Ndoŋ nna nɛ Gidiɔn naŋ kaŋɛ Ebɔrɛ le: “Jande, sa maŋ nya agbo n wɔtɔ ma. Mee sha kenaŋkule kusɔ koŋwule ko nna saŋɛ na so meeŋ pin asheŋ na to geeŋ. Kusɔ nɛ mee sha e la fanɛ fo shin nɛ ketebi na bre e wɔl a dese nɛ kegoro na malɛ e pɔ bunyaŋ.”