Jɛnesis 18:25 - EBƆRƐ BE KAWƆL

²⁵ Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Jɛnesis 18:25 ပူးပေါင်းရင်းမြစ်များ

Jɛnesis 18:24

Nɛ fanɛ basa nɛ b niŋi fo basa adunu kade na to, feeŋ mur kade na kikɛ a? Fo maaŋ kpal basa adunu na so n ta m paŋ bumo a?

1 Kronikɛls 16:33

Ndibi nɛ a wɔ kupo to beeŋ baa boŋ nshɛ kagbenefuli ŋkpal manɛ so Enyɛnpe na bee ba nɛ e ba ji durnya be basa demu.

2 Kronikɛls 19:7

Men baa bunyaŋ Enyɛnpe Ebɔrɛ na nsaa de so, ŋkpal manɛ so Enyɛnpe nɛ e la anyi be Ebɔrɛ na maa sha kapuni nɛ ŋkpɛato nɛ brɔbu be asheŋ.”

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Job be kawɔl 34:10

Men nu nfe, menyi nɛ menyee pin asheŋ to ere! Enyɛnpetale Ebɔrɛ beeŋ shuli n wora kusɔ nɛ k maŋ daga a?

Job be kawɔl 34:12

Ekpa kikɛ maŋ wɔtɔ nɛ Enyɛnpetale Ebɔrɛ na e tiŋ m bɔla so n wora kulubi. E bee ji asheŋ nɛ amo be ekpa so nna a sa ekama.

Job be kawɔl 8:20

An nyi fanɛ Ebɔrɛ maa kini esa nɛ basa maa wu kulubi mo so a lɛ, mo alɛ maa chɛ alubiworapo to.

Job be kawɔl 8:3

Enyɛnpetale Ebɔrɛ na maa ji esa durmu, mo alɛ maa wora kusɔ nɛ k maŋ daga.

Nshɛ 50:6

Esoso bee ŋini anyi nna fanɛ Ebɔrɛ bee ji basa be asheŋ nɛ amo be ekpa so nna.

Nshɛ 58:11

Nɛ basa e kaŋɛ: “Kashenteŋ, basa cheembi kraa nya bumo be kakɔka. Kashenteŋ, Ebɔrɛ kraa ji asheŋ nɛ amo be ekpa so ashi durnya to.”

Nshɛ 7:12

Nɛ alubiworapo maŋ tuba ashi mbe alubi to, fo yee fo tokobi nna nseŋ gberge fo keta to;

Nshɛ 75:3

Nɛ kasawule gbuŋgbuŋ nɛ basa bee chicha gba, ma e kraa kɔ kumo be gbaltɔlase to a yil dindiŋ.

Nshɛ 94:2

Fo e naa ji durnya kikɛ demu. Ba chɛ anyi to! Ka kamoowuwuraana kukɔ, ŋkpal kusɔ nɛ b wora so.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Kaŋinichiŋgeliŋ 3:17

Amoso kusɔ nɛ n fɛ ma kagbene to e la fanɛ: “Ebɔrɛ beeŋ ji basa niŋiso nɛ basa lubi kikɛ demu ŋkpal manɛ so kusɔ kama kɔ kumo be saŋɛ nna.

Kaŋinichiŋgeliŋ 7:15

Kebaawɔtɔ jiga nɛ n wɔtɔ ere to, nɛ n wu fanɛ basa lela ko bee wu bumo be alelasheŋ to nna nɛ basa lubi malɛ kɔ ŋkpa nsaa wɔ bumo be asheŋ lubi to.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Ezikɛl 18:25

Menyi Israɛl be basa bee kaa kaŋɛ fanɛ, kusɔ nɛ Enyɛnpe bee wora na maŋ walɛ. Ama men nu nfe, mannɛ ma e naa wora asɔ nɛ a maŋ walɛ. Menyi e naa wora asɔ nɛ a maŋ walɛ!

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ditɛronɔmi 1:16

Loŋ be jemanɛ na n daŋ kaŋɛ demujipoana na nna fanɛ b baa keni to nsaa ji asheŋ kama nɛ a beeŋ ba menyi to na nɛ amo be ekpa so. Hale demu na la menyi be basa nawule nna ŋko men be eko nɛ befɔ nɛ b wɔ menyi to na be eko be demu gba nna, a daga fanɛ b ji kumo nɛ kumo be ekpa so.

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Demujipoana 11:27

M maŋ wora fo kulubi kikɛ, ama fo e naa wora kulubi ŋkpal fo ka bee fin ma kolu so. Enyɛnpe Ebɔrɛ na e naaŋ keni Israɛlebi nɛ Ammɔnebi be demu ere to nseŋ ji kumo.”