Jɛnesis 18:22 - EBƆRƐ BE KAWƆL

²² B ka bee malga na nɛ benyɛn anyɔ na yige bumo nseŋ sɔ Sodɔm be kaba so a yɔ. Nɛ Eebraham shir a yil Enyɛnpe na kutɔ.

Jɛnesis 18:22 ပူးပေါင်းရင်းမြစ်များ

Jɛnesis 18:16

Ndoŋ nna nɛ basa na lar ndoŋ nseŋ kilgi bumo be anishi n shoŋi Sodɔm a yɔ nɛ Eebraham bɛ bumo so a shuŋi bumo ekpa.

Jɛnesis 18:17

B ka bee yɔ nɛ Enyɛnpe na kaŋɛ mbe kumu to le: “M maaŋ ta kusɔ nɛ mee yɔ nɛ n ya wora ere ŋ ŋana Eebraham so.

Jɛnesis 19:1

Kumo be kamɔnchɛ kaaseso emalaika anyɔ na ka fo Sodɔm nɛ Lɔt tase kade na be kabuna. E ka baŋ wu bumo, epul na to nɛ e koso n ya shɛr bumo to ŋ jɔŋɛ bumo ase

Jɛnesis 19:27

Kumo be kare ka chɛ chipurdidi nɛ Eebraham wule n yɔ kaboŋ mo nɛ mo nɛ Enyɛnpe daa yil na

Nshɛ 106:23

Ebɔrɛ daŋ nya agbo nna ŋ kaŋɛ fanɛ e beeŋ mur mbe basa na; ama Mosis nɛ e lara nɛ e baa la mbe kayɛrbi na, e mata mo nɛ e maŋ naŋ mur bumo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Ezikɛl 22:30

Ade kikɛ so nɛ n fin esa nɛ e beeŋ kɔ n sa kadegboŋ na nseŋ kuŋ kumo, nɛ ma agbo maaŋ ba kumo so nɛ k mur. Ama m maŋ nya esa kikɛ.

Ashuŋ Shunso 7:55

Nɛ Kiyoyu Cheeŋ na luri m bɔlɔ Stiven to nɛ e maŋ kumu so ŋ keni ebɔrɛso n wu Ebɔrɛ be kemaŋkura nɛ Yesu yil Ebɔrɛ be jisoso, ebunyampo be kakpa.

1 Timoti 2:1

To, kusɔ nɛ mee sha kejuŋkpar ŋ kaŋɛ e la fanɛ a daga fanɛ bebɛsopo e baa kule Ebɔrɛ a sa basa kikɛ. B baa kaŋɛ Ebɔrɛ basa be asheŋ tirso be asheŋ nsaa kule mo asɔ a sa bumo nseŋ naa chɔrɔ mo a sa bumo a ti so.