Jɛnesis 18:20 - EBƆRƐ BE KAWƆL

²⁰ E ka fɛ loŋ na be kaman nɛ e kaŋɛ Eebraham le: “Asheŋ nɛ baa malga a gbiti Sodɔm nɛ Gomɔra ebi nɛ alubi nɛ baa wora na wora keshi ga.

Jɛnesis 18:20 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 19:13

ŋkpal manɛ so, anyee shin nɛ an mur kade ere nna na. Asheŋ lubi nɛ baa malga a gbiti basa ere a sa Enyɛnpe na wora keshi ga, amoso nɛ e shuŋi anyi fanɛ an ba mur kumo na.”

Jɛnesis 19:4

B ka bee shin nɛ b luri n dese nɛ Sodɔm be benyɛn ba kulti Lɔt be kowu n shɛr to. Kade na to be benyɛn kikɛ, mbrantiɛbi nɛ benyɛnnimu kikɛ e daa wɔ ndoŋ.

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 23:14

Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Ezikɛl 16:46

Fo dacheso e la kadegboŋ nɛ baa tre Samɛria na, nɛ kumo nɛ kumo be ndekarso wɔ a laŋɛ fo kelargato be esoso na. Nɛ fo sipocheso malɛ la kadegboŋ nɛ baa tre Sodɔm na, nɛ kumo alɛ nɛ kumo be ndekarso wɔ a laŋɛ fo kelargato be kaseto na.

Jowɛl 3:13

B kɔ amu kpakpaso ga nseŋ wora alubi a maa shu basa so. Amoso meeŋ ŋele bumo n lɛ fanɛ aboyu na nseŋ kɔr bumo to fanɛ kananɛ baa kɔr greep be asɔrso to a wora nsa a wɔtɔ kusɔ to nɛ a bee bɔlɔ a wurge na.”

Jona 1:2

“Yɔ kadegboŋ nɛ baa tre Ninɛve na to n ya fiɛ ndoŋebi so ŋ kaŋɛ bumo fanɛ n wu bumo be asheŋ lubi nɛ baa wora na kikɛ. Amoso asheŋ maaŋ nyalɛ n sa bumo kikɛ.”

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.