Jɛnesis 18:19 - EBƆRƐ BE KAWƆL

¹⁹ N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Jɛnesis 18:19 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 17:9

Kumo be kaman nɛ Ebɔrɛ naŋ kaŋɛ Eebraham le: “A daga fanɛ fo ere nɛ fo kaman to ebi nɛ bumo alɛ be kaman to ebi kikɛ ka bɛ ma nɛ fo be kɔnɔkoŋwule be ŋkre ere so.

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 35:2

Jeekɔb ka nu loŋ nɛ e kaŋɛ mbe laŋ to ebi nɛ bumo nɛ b daa wɔ mo kutɔ na kikɛ le: “Men lara agbirana ere kikɛ ashi menyi to n fɔr menyi be amu ashi eyurpi kama to n chɛrga menyi be asɔbuuso

2 Samuɛl 22:22

Kusɔ nɛ Enyɛnpe Ebɔrɛ bee sha nɛ mee wora. Maa ba nɛ n shile ma Ebɔrɛ n ya wora kulubi kikɛ.

2 Samuɛl 7:20

Manɛ bre nɛ n naa kɔ nɛ ŋ kaŋɛ fo! Fo nyi fo kayɛrbi be nfɛra.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 14:3

E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

Nehemaya 9:7

Fo e la Enyɛnpe anyi be Ebɔrɛ Fo e lara an nananyɛn Eebram dra dra na ashi kade nɛ baa tre Ur nɛ k wɔ Babilɔn be efuli so nseŋ chɛrga mbe ketre ŋ ki Eebraham na.

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Nshɛ 1:6

Enyɛnpe Ebɔrɛ na e naa kuŋ loŋ be basa nsaa ŋini bumo ekpa. Ama alubiworapoana bre be ekpa kɔ bumo nna a yɔ kemur to.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Aŋasa 22:6

Ŋini kebia ekpa nɛ k daga fanɛ e bɔla so, saŋɛ na so, e kaŋ daŋ e maaŋ kpele ashi kumo so.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Levitikɔs 14:42

Kumo be kaman nɛ b ta ajembu ŋko ebirkesi pɔtɛ m pɔr nseŋ baga shishɛr popɔr n la egbal na.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Ashuŋ Shunso 27:31

Nɛ Pɔɔl kaŋɛ benapo na nɛ bumo be enimubi na: “Befarpo ere baŋ lar ekuloŋgboŋ ere to, men maaŋ lar kikɛ.”

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ditɛronɔmi 32:46

nɛ e kaŋɛ le: “Men baa nyiŋi nsaa wora asheŋ nɛ ŋ kaŋɛ menyi kenishipere so kabre ere kasonu nɛnɛ. Men baa kute amo to a sa men be mbia, saŋɛ na so, bumo alɛ gba beeŋ wora kusɔ kama nɛ k wɔ Ebɔrɛ be mbra be kawɔl na to kasonu kashenteŋto.

1 Timoti 3:12

A daga fanɛ asɔri to be bechɛtopo e baa la beche koko wuraana nsaa tiŋ a shin nɛ bumo be beche nɛ mbia e baa nu a sa bumo nɛnɛ.

2 Timoti 1:5

Mee kaa nyiŋi kagbene koŋwuleso be yirda nɛ fo kɔ. Yirda koŋwule nɛ fo nanache Lowis nɛ fo nio Yunis daa kɔ na gbagba chap nɛ m baa nyi fanɛ fo alɛ gba kɔ na.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Demujipoana 13:12

Ndoŋ nna Manoa naŋ bishi mo: “Nɛ fo kusɔ nɛ fo kaŋɛ na kaŋ wora kashenteŋ, manɛ nɛ kebia na beeŋ ba kaa wora? Nuso be kebaawɔtɔ nɛ e beeŋ ba kaa kɔ?”