Jɛnesis 18:12 - EBƆRƐ BE KAWƆL

¹² Nɛ Sɛɛra mushe nseŋ kaŋɛ mbe kagbene to le: “Kananɛ m bel ŋ ki ere, kanyɛndi beeŋ naaŋ yɛlga ma bre a? Kumo be kaman, ŋ kul malɛ gba bel.”

Jɛnesis 18:12 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 18:13

Ndoŋ nna nɛ Enyɛnpe na bishi Eebraham le: “Manɛ nna nɛ Sɛɛra mushe nseŋ kaŋɛ mbe kumu fanɛ e maaŋ naŋ tiŋ n nya ebi saŋɛ nɛ e bel ere?

2 Bewura 4:16

nɛ Elaisha kaŋɛ mo le: “Ta a ba kafɛ a ba saŋɛ ere so nɛ fo keta ebinyɛn fo enɔ to.” Nɛ kache na kaŋɛ: “Jande sa maŋ fule ma ŋkpal manɛ so Ebɔrɛ be esa e la fo!”

Nshɛ 126:2

Emushe nɛ kagbenefuli be nshɛ nɛ an daŋ ta n ji eyur. Ndoŋ nna nɛ efuli pɔtɛana be basa ji anyi be asheŋ ŋ kaŋɛ le: “Enyɛnpe Ebɔrɛ e wora asheŋgboŋ n sa mbe basa na.”

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

1 Pita 3:6

An ta fanɛ Sɛɛra le, e daŋ nu n sa mo kul Eebraham nseŋ daŋ tre mo mo nyɛnpe. To, nɛ menyi alɛ gba baa wora asheŋ nɛ a daga ŋkaa maa lɔ kufu, menyeeŋ baa la mbe mbichesoana.

Demujipoana 19:26

Kare ka chɛ kachipurdidi nɛ kache na ba tɔr kanyɛnnimubi na be laŋ na be kabuna to n dese hale nɛ epeŋi ba lar mo so.