Jɛnesis 18:1 - EBƆRƐ BE KAWƆL

¹ Kachako nɛ Enyɛnpe na naŋ lar Eebraham so ashi Mamre be ndibigboŋ na ase. Loŋ be kachɛ na K daa la kapaso nna nɛ kaboŋ bel edɛ nɛ Eebraham tase mbe wajɛbu be kabuna to.

Jɛnesis 18:1 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 14:13

Ama kanyɛn ko bre daŋ nya mbe kumu n shile nseŋ ya kaŋɛ Eebram, Hibruw be esa na, asheŋ nɛ a daŋ wora na kikɛ. Eebram malɛ daŋ chena m mata ndibigboŋ ko nɛ a daa la Amɔriebi be esa ko nɛ baa tre Mamre na peya. Mamre nɛ mo sipoana Ɛshkɔl nɛ Anɛr nɛ Eebram daŋ yili kumo nna fanɛ baaŋ baa chɛ abar to.

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 17:22

Ebɔrɛ ka malga Eebraham kutɔ n loge nɛ e yɔ ŋ ka mo.

Jɛnesis 18:22

B ka bee malga na nɛ benyɛn anyɔ na yige bumo nseŋ sɔ Sodɔm be kaba so a yɔ. Nɛ Eebraham shir a yil Enyɛnpe na kutɔ.

Jɛnesis 20:1

Eebraham daŋ koso Mamre nna n ya chena Kadɛsh nɛ Shur be kefɛato be keshishɛrsawule nɛ baa tre Negɛf na be efuli so. Saŋko e daŋ ya chena Gerar nna n wora nchɛnnyɔ.

Jɛnesis 26:2

Ndoŋ nna nɛ Enyɛnpe lar Aizek so ŋ kaŋɛ mo le: “Sa maŋ kaŋ yɔ Ijipt, baa wɔ kasawule mo nɛ ŋ kaŋɛ fanɛ fo baa wɔ so ere so.

Jɛnesis 35:27

Jeekɔb nite loŋ m ba fo mo tuto Aizek pe ashi Mamre nɛ k daŋ taga Kiriaf Aba na. Kumo koŋwule na e la Hibrɔn na. Ndoŋ nɛ Aizek nɛ Eebraham daŋ chena na.

Jɛnesis 48:3

“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,

2 Kronikɛls 1:7

Kumo be kanyɛso na gbagba nɛ Ebɔrɛ lara mbe kumu ŋ ŋini Sɔlɔmɔn edare to nseŋ bishi mo le: “Manɛ nɛ fee sha nɛ n wora n sa fo?”

Ɛksodɔs 4:1

Ndoŋ nna nɛ Mosis kaŋɛ Enyɛnpe Ebɔrɛ le: “To, nɛ b ka maŋ yirda ma ŋko n nu n sa kusɔ nɛ meeŋ kaŋɛ bumo na nseŋ kaŋɛ le: ‘Enyɛnpe maŋ lar fo so a?’ ”

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.

Hibruwebi 13:2

Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”