Jɛnesis 17:8 - EBƆRƐ BE KAWƆL

⁸ Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 17:8 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 13:17

Koso n nite kasawule na be nteŋ to nɛ mparto kikɛ, ŋkpal manɛ so, fo nɛ meeŋ ta kumo n sa.”

Jɛnesis 23:4

“N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 35:27

Jeekɔb nite loŋ m ba fo mo tuto Aizek pe ashi Mamre nɛ k daŋ taga Kiriaf Aba na. Kumo koŋwule na e la Hibrɔn na. Ndoŋ nɛ Aizek nɛ Eebraham daŋ chena na.

Jɛnesis 36:7

Bumo be kanya nɛ b daa kɔ na daa shi nna ga, loŋ so nɛ b daa maŋ tiŋ n chena abar so na. Kasawule nɛ b daŋ chena so na malɛ daa maŋ tiŋ n sɔ bumo kikɛ ŋkpal bumo be asɔbɔya na so.

Jɛnesis 37:1

Jeekɔb daŋ chena Keenan be kaboŋ nɛ mo tuto daa wɔ fanɛ efɔ na nna.

Jɛnesis 48:4

nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

1 Kronikɛls 16:18

E yɛ: “Meeŋ ta Keenan be kasawule na n sa menyi, nɛ k baa la menyi be kapetɛ.”

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 105:11

E yɛ: “Meeŋ ta Keenan be kasawule n sa fo nɛ k baa la feya mbaanaayɔ.”

Nshɛ 105:9

Le be kɔnɔkoŋwule be ŋkre nɛ mo nɛ men nananyɛn Eebraham kre, nɛ e bɔ ntaŋ n nase kɔnɔ n sa men nananyɛn Aizek malɛ dra dra na.

Ɛksodɔs 13:11

Ama saŋkama nɛ Enyɛnpe Ebɔrɛ kaŋ yɛr menyi Keenanebi be kasawule na so fanɛ kananɛ e nase kɔnɔ n sa menyi nɛ men tutoana fanɛ e beeŋ ta kumo n sa menyi na,

Ɛksodɔs 21:6

kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 40:15

nseŋ ta ŋku nɛfaso na n do bumo so fanɛ kananɛ fo wora bumo tuto na, saŋɛ na so bumo nɛ bumo be kaman to ebi beeŋ baa shuŋ ma fanɛ bɔrɛmatapoana mbaanaayɔ.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Jɛremaya 25:5

B kaŋɛ menyi fanɛ men lar menyi be kebaawɔtɔ lubi nɛ asheŋ lubi na to nseŋ nya n chena kasawule nɛ Enyɛnpe Ebɔrɛ na ta n sa menyi nɛ men nananyɛnana fanɛ k baa la menyi be kapetɛsawule mbaanaayɔ na so.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Ezikɛl 11:20

Ndoŋ nɛ baaŋ bɛ ma mbraana so nsaa wora asɔ nɛ mee ŋini bumo na. Baaŋ baa la ma basa nɛ ma alɛ e baa la bumo be Ebɔrɛ.

Ezikɛl 33:24

Dimɛdi pibi, basa nɛ b kra wɔ Israɛl be efuli so be nde nɛ a bure na to na bee kaŋɛ nna fanɛ: ‘Eebraham daa la esa koŋwule nna nɛ Enyɛnpe Ebɔrɛ na ta kasawule na kikɛ n sa mo. Naniere an ka la basa damta ere, kasawule na ki anyeya nna a.’

Levitikɔs 14:34

“Men kaŋ ya luri Keenan be kasawule nɛ mee sha keta n sa menyi ere to, nɛ ŋ kaŋ shin nɛ ndoŋ be laŋ ko be egbal puu,

Levitikɔs 16:34

Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Levitikɔs 26:12

Meeŋ baa wɔ menyi to nsaa la men be Ebɔrɛ, nɛ menyi alɛ e baa la ma basa.

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Nɔmbɛs 10:29

B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 27:12

Kachako nɛ Enyɛnpe Ebɔrɛ kaŋɛ Mosis le: “Dii abeegboŋ nɛ baa tre Abarim na be esoso ŋ keni kasawule nɛ n ta n sa Israɛlebi na.

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 29:13

saŋɛ na so, Enyɛnpe Ebɔrɛ na beeŋ ber kagbene ŋ kaŋɛ fanɛ men la mbe basa nna nɛ mo alɛ la men be Ebɔrɛ, fanɛ kananɛ e nase kumo be kɔnɔ n sa men nananyɛnana na, Eebraham nɛ Aizek nɛ Jeekɔb.

Ditɛronɔmi 32:49

“Yɔ abee nɛ baa tre Abarim nɛ a wɔ Mowabebi be kasawule so nseŋ shoŋi kadegboŋ nɛ baa tre Jɛriko na so n ya dii kebeegboŋ nɛ baa tre Nebo na n yili kumo so n to kenishi ŋ keni kasawule nɛ mee sha keta n sa Israɛlebi na.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

Joshuwa 1:2

“Naniere ma kayɛrbi Mosis wu, amoso fo nɛ Israɛlebi ere kikɛ e koso n dii Jɔɔdan be lɔr na n yɔ kasawule nɛ ŋ kɔ a sa bumo na so.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.