Jɛnesis 17:7 - EBƆRƐ BE KAWƆL

⁷ Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 17:7 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 17:13

Ekama nɛ b kurge ashi menyi pe nɛ emo nɛ men ta menyi be amansherbi n tɔ efɔ kikɛ kutɔ gba daga fanɛ b ku mo kututu. Saŋɛ na so ma kɔnɔkoŋwule be ŋkre na be tɔɔnɛ beeŋ baa wɔ menyi be eyur so mbaanaayɔ.

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 6:18

Ama ma ere nɛ fo beeŋ wora kɔnɔkoŋwule be ŋkre, nɛ fo nɛ fo eche nɛ fo bibinyɛnsobiana na nɛ bumo be beche na e luri kuloŋ na to.

Jɛnesis 9:16

Saŋkama nɛ kabɔrɛnyaŋgelambi na lar awɔlpa to, meeŋ wu kumo nseŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na.”

2 Samuɛl 7:24

Fo lara Israɛlebi na fanɛ fo basa nna hale mbaanaayɔ, nɛ fo Enyɛnpe Ebɔrɛ malɛ ki bumo be Ebɔrɛ.

1 Kronikɛls 16:14

Enyɛnpe na e la anyi be Ebɔrɛ; nɛ mbe mbra wɔtɔ n sa durnya kikɛ.

Nshɛ 81:10

Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Jɛremaya 31:1

Enyɛnpe Ebɔrɛ na yɛ: “Jemanɛ ko bee ba nɛ m baa la Israɛl be eyiriana na kikɛ be Ebɔrɛ, nɛ bumo alɛ e baa la ma basa.

Ezikɛl 28:26

Baaŋ chena ndoŋ kayurwushi so m pɔr nwu nseŋ naŋ nase ndibisɔrso be adɔ. Ma alɛ beeŋ gberge bumo be bechenashapoana nɛ b keni bumo jiga na kusoe nɛ Israɛl be basa na e nya bumo be amu a wɔtɔ. Ndoŋ nɛ baaŋ pin fanɛ ma e la Enyɛnpe bumo be Ebɔrɛ na.”

Levitikɔs 11:45

Ma e la Enyɛnpe Ebɔrɛ nɛ n lara menyi ashi Ijipt be efuli so m ba nɛ m baa kaa la men be Ebɔrɛ, amoso men baa du cheembi, ŋkpal manɛ so, n du cheembi nna.

Levitikɔs 25:38

Kusɔ nɛ ma, Enyɛnpe Ebɔrɛ, nɛ n la menyi be Ebɔrɛ nɛ n lara menyi Ijipt be efuli so nɛ m ba ta Keenan be kasawule n sa menyi na yili nna na.

Levitikɔs 26:12

Meeŋ baa wɔ menyi to nsaa la men be Ebɔrɛ, nɛ menyi alɛ e baa la ma basa.

Levitikɔs 26:44

Asheŋ nɛ b wora ere kikɛ be kaman, m maa ba nɛ m ba kplaŋ bumo so ŋko m mur bumo kuraa jemanɛ nɛ b wɔ bumo doŋana be efuli so na. Nɛ n wora loŋ k beeŋ shin nɛ ma nɛ bumo be kɔnɔkoŋwule be ŋkre na e ba ekar. Ma e la Enyɛnpe bumo be Ebɔrɛ na.

Levitikɔs 26:45

Meeŋ tiŋi kɔnɔkoŋwule be ŋkre nɛ ma nɛ bumo nanaana daŋ kre jemanɛ nɛ n daŋ lara ma basa ashi Ijipt be efuli so m ba nɛ efuliana na kikɛ wu ma eleŋgboŋ na to. Ma, Enyɛnpe Ebɔrɛ na beeŋ baa la bumo be Ebɔrɛ.”

Levitikɔs 26:9

Meeŋ nɛfa menyi nseŋ sa menyi mbia damta. Ma alɛ beeŋ bɛ kɔnɔkoŋwule be ŋkre nɛ ma nɛ menyi kre na so.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Matiu 22:32

Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Maak 10:14

Yesu ka pin loŋ nɛ agbo pɛ mo, nɛ e kaŋɛ mbe bebɛsopo na: “Men shin nɛ mbia na e baa ba ma kutɔ, men sa maa kuŋ bumo ekpa, ŋkpal manɛ so, Ebɔrɛ be kuwura na la loŋ be basa peya nna.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Romebi 9:4

Ma basa Israɛlebi nɛ n de na. Bumo nɛ Ebɔrɛ ta ŋ ki mbe mbia n shin nɛ b nya mbe kemaŋkura na n ti so. E nase kebaawɔtɔ koŋwuleso be kɔnɔ n sa bumo nseŋ sa bumo mbra na nɛ bɔrɛlambu na to be kabɔrɛshuŋ na nɛ b nya Ebɔrɛ be nnɔ naseso n ti so.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ditɛronɔmi 29:13

saŋɛ na so, Enyɛnpe Ebɔrɛ na beeŋ ber kagbene ŋ kaŋɛ fanɛ men la mbe basa nna nɛ mo alɛ la men be Ebɔrɛ, fanɛ kananɛ e nase kumo be kɔnɔ n sa men nananyɛnana na, Eebraham nɛ Aizek nɛ Jeekɔb.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.