Jɛnesis 17:6 - EBƆRƐ BE KAWƆL

⁶ Meeŋ shin nɛ fo mbia e wora keshi nɛ efuli damtaana nɛ bewuraana e shi bumo to n lar.

Jɛnesis 17:6 ပူးပေါင်းရင်းမြစ်များ

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 17:20

N nu kusɔ nɛ fo kule a yɔ Ishmaɛl be kaplɛa so na, amoso meeŋ nɛfa mo alɛ gba nseŋ sa mo mbia damta nɛ kaman to ebi damta. Ade kikɛ be kaman e beeŋ ki bewurbi kuduanyɔ bumo tuto nɛ n shin nɛ mbe efuli e ki efuli lempo gboŋgboŋi.

Jɛnesis 17:4

“Ma kɔnɔkoŋwule be ŋkre nɛ k wɔ ma nɛ fo be kefɛato e la fanɛ, feeŋ ki efuli damtaana be basa bumo tuto.

Jɛnesis 26:22

Ŋkpal kɔnɔgberge na so, nɛ Aizek naŋ lar ndoŋ gba n yɔ kaboŋ pɔtɛ. Ndoŋ bre kɔnɔgberge kama daa maŋ naŋ ba, nɛ e nase kumo Rehobɔt ŋkpal manɛ so, e yɛ: “Naniere bre, Enyɛnpe na shin nɛ an nya anyi be amu nɛ an chena kasawule ere so n nya kanya.”

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Jɛnesis 47:27

Israɛlebi na daŋ chena Ijipt be kakpa nɛ baa tre Goshen na nna n dii dama nseŋ nya mbia damta n ti so.

Jɛnesis 48:3

“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,

Jɛnesis 48:4

nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Levitikɔs 26:9

Meeŋ nɛfa menyi nseŋ sa menyi mbia damta. Ma alɛ beeŋ bɛ kɔnɔkoŋwule be ŋkre nɛ ma nɛ menyi kre na so.