Jɛnesis 17:3 - EBƆRƐ BE KAWƆL

³ Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Jɛnesis 17:3 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Ezikɛl 3:23

Ndoŋ nna nɛ ŋ koso n yɔ ketaŋɛ na to nseŋ ya wu fanɛ Enyɛnpe Ebɔrɛ na be kemaŋkura sɔ kaplɛkama, fanɛ kumo nɛ n daŋ wu ashi Lɔr nɛ baa tre Kɛba ase na, nɛ n ta enɔ m buu anishi so nseŋ tɔr epun so.

Ezikɛl 9:8

B ka fara kamɔ na a yɔ nɛ n nawule ka a yil, nseŋ kurgi kumu n yuu to m boŋ to ŋ kaŋɛ le: “Enyɛnpetale Ebɔrɛ, ŋkpal fo ka nya agbo ga n wora Jerusalɛm to be basa so, fee sha nna nɛ fo mɔ Israɛl be basa nɛ b ka ere kikɛ a?”

Danɛl 10:9

Ŋ ka baŋ nu mbe ebɔl nɛ n tɔr kasawule epun so ŋ kreŋ

Nɔmbɛs 14:5

Ndoŋ nna nɛ Mosis nɛ Ɛɛrɔn kurgi amu n yuu to ŋ kule Ebɔrɛ ashi Israɛlebi na be anishito.

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Matiu 17:6

Bebɛsopo na ka nu loŋ nɛ kufu pɛ bumo nɛ b tɔr m pugi bumo be anishi so.

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Demujipoana 13:20

Jemanɛ nɛ edɛ na bee suse na, nɛ Enyɛnpe Ebɔrɛ be malaika na bɛ edɛ na be adondulombi na so n yɔ ebɔrɛso. Manoa nɛ mbe eche ka wu kusɔ nɛ k wora na, nɛ b nyaŋ anishi m buu so nseŋ kurgi amu n yuu to.