Jɛnesis 17:23 - EBƆRƐ BE KAWƆL

²³ Kumo be kachɛ na malɛ gbagba nɛ Eebraham wora kasonu n sa Ebɔrɛ nseŋ ku mo pibinyɛn Ishmaɛl nɛ benyɛn kama nɛ b kurge mbe laŋ to na kikɛ atutu n ta anya nɛ b daŋ kurge ashi mbe laŋ to nɛ bumo nɛ e tɔ n ti so.

Jɛnesis 17:23 ပူးပေါင်းရင်းမြစ်များ

Jɛnesis 14:14

Eebram ka nu fanɛ b pɛ mo sipo pibi na nɛ e tre benapo nɛ b kurge mbe laŋ to kikɛ m ba shɛr. Bumo kikɛ daa wɔ basa alfa asa nɛ kuduaburwa, nɛ b ju m buu bewura ana na so hale n ya fo kade nɛ baa tre Dan na.

Jɛnesis 17:9

Kumo be kaman nɛ Ebɔrɛ naŋ kaŋɛ Eebraham le: “A daga fanɛ fo ere nɛ fo kaman to ebi nɛ bumo alɛ be kaman to ebi kikɛ ka bɛ ma nɛ fo be kɔnɔkoŋwule be ŋkre ere so.

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Jɛnesis 34:24

Ndoŋ nna nɛ benyɛn nɛ Shɛkɛm nɛ mo tuto Hamar daŋ tu ashi kade na be kakpa nɛ benimu bee shɛr a to jina na kikɛ shuli n sa bumo nseŋ shin nɛ b ku kade na to be benyɛn na kikɛ atutu.

Nshɛ 119:60

Meeŋ baa nya manaŋ a wora fo mbraana kasonu.

Aŋasa 27:1

Sa maa puchi echefoso, ŋkpal manɛ so fo maŋ nyi kananɛ asheŋ beeŋ ba du echefo.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Ashuŋ Shunso 16:3

Pɔɔl ka daa sha keketa Timoti n yɔ so e ku mo kututu nna. E daŋ wora loŋ nna ŋkpal ndoŋ be basa na kikɛ ka daa nyi Timoti mo tuto ka la Griik so.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.