Jɛnesis 17:21 - EBƆRƐ BE KAWƆL

²¹ Ama meeŋ shin nɛ ma kɔnɔkoŋwule be ŋkre na bre e baa wɔ fo pibinyɛn Aizek nɛ Sɛɛra beeŋ kurge kafɛ a ba saŋɛ ere so na so.”

Jɛnesis 17:21 ပူးပေါင်းရင်းမြစ်များ

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 18:10

Ndoŋ nna nɛ basa asa na to be emo nɛ e la Enyɛnpe na kaŋɛ: “Kafɛ a ba saŋɛ ere so, meeŋ naŋ bɛta m ba fo kutɔ. Loŋ be saŋɛ na malɛ nɛ fo eche Sɛɛra kurge ebinyɛn.” E ka bee malga na nɛ Sɛɛra wɔ mbe kaman ashi wajɛbu na be kabuna to a nu kusɔ nɛ baa malga na.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Jɛnesis 21:1

Eebraham nɛ mbe eche wɔtɔ loŋ nɛ Enyɛnpe na ba buu Sɛɛra wulo so fanɛ kananɛ e daŋ nase kɔnɔ fanɛ e beeŋ wora na.

Jɛnesis 46:1

Ndoŋ nna nɛ Jeekɔb bela ase n ta kusɔ kama nɛ e kɔ m pɛ Ijipt be ekpa loŋ m ba fo Bɛshiba nseŋ lara esarga ndoŋ n sa mo tuto Aizek be Ebɔrɛ na.

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Job be kawɔl 14:13

Jande, Ebɔrɛ, ta ma ŋ ŋana kasawule be kechimbi to. Fo agbo kaŋ wushi nɛ fo nyiŋi n sɔ ma n yige.

Ɛksodɔs 2:24

Nɛ Ebɔrɛ nu bumo be nfubel na nseŋ nyiŋi mbe kɔnɔkoŋwule be ŋkre nɛ k wɔ mo nɛ bumo nananyɛnana Eebraham nɛ Aizek nɛ Jeekɔb be kefɛato na.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Luuk 1:55

E nyiŋi kewu Eebraham nɛ mbe kanaŋ kikɛ kuwɔr mbaanaayɔ.”

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Romebi 9:9

Ŋkpal manɛ so, le nɛ Ebɔrɛ daŋ nase kɔnɔ n sa Eebraham ŋ kaŋɛ: “Jemanɛ na gbagba kaŋ fo, meeŋ bɛta m ba nɛ Sɛɛra e nya ebinyɛn.”

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.