Jɛnesis 17:17 - EBƆRƐ BE KAWƆL

¹⁷ Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 17:17 ပူးပေါင်းရင်းမြစ်များ

Jɛnesis 17:18

Le be nfɛra ere be kaman nɛ e kaŋɛ Ebɔrɛ le: “Manɛ nna nɛ fo maaŋ nɛfa Ishmaɛl nseŋ ta asɔ nɛ fo nase kɔnɔ fanɛ feeŋ sa ma na n sa mo.”

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Jɛnesis 18:11

Saŋɛ na so malɛ nɛ Eebraham nɛ Sɛɛra kikɛ daŋ bel nna hale Sɛɛra daa maŋ naa fɔr gba.

Jɛnesis 18:12

Nɛ Sɛɛra mushe nseŋ kaŋɛ mbe kagbene to le: “Kananɛ m bel ŋ ki ere, kanyɛndi beeŋ naaŋ yɛlga ma bre a? Kumo be kaman, ŋ kul malɛ gba bel.”

Jɛnesis 21:5

Eebraham daa la nfɛ kalfa nna nɛ b kurge mo pibinyɛn Aizek.

Jɛnesis 21:6

Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Jɛnesis 21:7

Sɛɛra ka malga le ere be kaman nɛ e naŋ kaŋɛ le: “Wanɛ e daa beeŋ tiŋ ŋ kaŋɛ Eebraham fanɛ mbe eche Sɛɛra beeŋ nya kebia n chena aya so n nyipo? Ama kabre, amo nde. Ma e kurge ebinyɛn n sa mo mbe mbel to na.”

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Nɔmbɛs 14:5

Ndoŋ nna nɛ Mosis nɛ Ɛɛrɔn kurgi amu n yuu to ŋ kule Ebɔrɛ ashi Israɛlebi na be anishito.

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.

Luuk 1:18

Nɛ Zakareya kaŋɛ malaika na: “Ma nɛ ma eche kikɛ bel, nɛ nuso nɛ meeŋ wora m pin fanɛ k la kashenteŋ nna?”

Baru lela nɛ Jɔn kute na 8:56

Men tuto Eebraham be kagbene daŋ fuli mo ga ŋkpal e ka daa shin nɛ e nya ma saŋɛ n wu so. Kashenteŋto malɛ, e wu kumo nɛ mbe kagbene fuli mo.”

Ditɛronɔmi 9:18

Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Kelaraŋŋini 11:16

Ndoŋ nna nɛ bejuŋkparpo adunyɔ nɛ ana nɛ b daŋ chena bumo be nwurputi so ashi Ebɔrɛ be anishito na gbir nseŋ dese kasawule m maŋ Ebɔrɛ so

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

Demujipoana 13:20

Jemanɛ nɛ edɛ na bee suse na, nɛ Enyɛnpe Ebɔrɛ be malaika na bɛ edɛ na be adondulombi na so n yɔ ebɔrɛso. Manoa nɛ mbe eche ka wu kusɔ nɛ k wora na, nɛ b nyaŋ anishi m buu so nseŋ kurgi amu n yuu to.