Jɛnesis 17:16 - EBƆRƐ BE KAWƆL

¹⁶ Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 17:16 ပူးပေါင်းရင်းမြစ်များ

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 15:4

Ndoŋ nna nɛ Eebram naŋ nu Enyɛnpe Ebɔrɛ na ka naŋ malga mo kutɔ ŋ kaŋɛ: “Mannɛ fo kenya Eliaza e naaŋ ji fo kapetɛ. Fo gbagba pibinyɛn kurgeso e naaŋ ki fo asɔ be kumuwura.”

Jɛnesis 17:15

Kede be kaman nɛ Ebɔrɛ naŋ kaŋɛ Eebraham le: “Sa maŋ kaŋ naa tre fo eche Sɛɛrai kikɛ. Yili kabre a yɔ mbe ketre beeŋ baa la Sɛɛra.

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 17:6

Meeŋ shin nɛ fo mbia e wora keshi nɛ efuli damtaana nɛ bewuraana e shi bumo to n lar.

Jɛnesis 21:1

Eebraham nɛ mbe eche wɔtɔ loŋ nɛ Enyɛnpe na ba buu Sɛɛra wulo so fanɛ kananɛ e daŋ nase kɔnɔ fanɛ e beeŋ wora na.

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 36:31

Le be bewura ere e daŋ ji kuwura ashi Edɔmebi na so pɔɛŋ nɛ Israɛlebi na be ekama fara a ji kuwura.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Romebi 9:9

Ŋkpal manɛ so, le nɛ Ebɔrɛ daŋ nase kɔnɔ n sa Eebraham ŋ kaŋɛ: “Jemanɛ na gbagba kaŋ fo, meeŋ bɛta m ba nɛ Sɛɛra e nya ebinyɛn.”

Galeeshaebi 4:23

Eyur be kasha so nɛ b daŋ bɔla m ba abar so ŋ kurge kenyache pibi na nseŋ bɔla Ebɔrɛ be kɔnɔ naseso so malɛ m ba abar so ŋ kurge emo na malɛ.

1 Pita 3:6

An ta fanɛ Sɛɛra le, e daŋ nu n sa mo kul Eebraham nseŋ daŋ tre mo mo nyɛnpe. To, nɛ menyi alɛ gba baa wora asheŋ nɛ a daga ŋkaa maa lɔ kufu, menyeeŋ baa la mbe mbichesoana.