Jɛnesis 17:14 - EBƆRƐ BE KAWƆL

¹⁴ Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

Jɛnesis 17:14 ပူးပေါင်းရင်းမြစ်များ

Jɛnesis 17:15

Kede be kaman nɛ Ebɔrɛ naŋ kaŋɛ Eebraham le: “Sa maŋ kaŋ naa tre fo eche Sɛɛrai kikɛ. Yili kabre a yɔ mbe ketre beeŋ baa la Sɛɛra.

Jɛnesis 34:14

Le nɛ b daŋ kaŋɛ bumo: “Anyi maaŋ tiŋ n wora le be kesheŋ ere, anyi maaŋ tiŋ n ta an sipoche n sa esa nɛ e maŋ ku kututu. K beeŋ baa la anishinyɔr be kusɔ nna n sa anyi.

Nshɛ 55:20

N teri pal kaman n sa mbe kɔnɔ naseso nsaa kɔ ma.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:19

Ŋkpal loŋ so kumo be nchɛnshunu na bre to k maŋ daga menyi be ekama kaa kɔ yiisi ashi mbe laŋ to kikɛ. Ekama, kadetobia ŋko efɔ, nɛ e baŋ ji ajibi kama nɛ a kɔ yiisi, meeŋ lara mo ashi Israɛl be basa to.

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Ɛksodɔs 30:38

Esa kama nɛ e kpal amo be efɛa belbelso so n wora amo be kaduli, daga fanɛ b lara mo ashi mbe basa to.”

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 33:8

Esa kikɛ daa maŋ naa yɔ enite to nɛ ekpaana na kikɛ dese fuloŋ. Basa maŋ naa wora a bɔlɔ kɔnɔkoŋwule be ŋkre so. Bumo alɛ maaŋ naa sa esa kama nɛ e bee bɛ mbe nnɔ naseso so bunyaŋ.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Levitikɔs 18:29

Menyi alɛ nyi fanɛ esa kama nɛ e beeŋ wora ekishisheŋ ere be kekama maaŋ naŋ ti Ebɔrɛ be basa so.”

Levitikɔs 19:8

Esa kama nɛ e ji amo wora n de so nna na, ŋkpal manɛ so, e ka maŋ ta bunyaŋ n sa kusɔ nɛ k du cheembi, mo alɛ maaŋ naŋ ti ma basa so.

Levitikɔs 23:29

Esa kama nɛ e beeŋ ji loŋ be kachɛ na, maaŋ naa la Ebɔrɛ be basa to be eko.

Levitikɔs 7:25

Esa kama nɛ e beeŋ ji kusɔbɔya nɛ baaŋ ta n lara sarga n sa Enyɛnpe Ebɔrɛ na be nfɔ maaŋ naaŋ ti Ebɔrɛ be basa so.

Levitikɔs 7:27

Esa kama nɛ e beeŋ ji ŋklaŋ, maaŋ naa la Ebɔrɛ be basa to be eko.”

Nɔmbɛs 9:13

Ama nɛ fanɛ esa walɛ so daŋkare be ekpa so mo alɛ nsaa maa wɔ enite to nseŋ kini kebansonchoŋ be kejigboŋ na be keji, kumo ere m maŋ naa ber mo a ti ma basa so, ŋkpal e ka kini kelara sarga n sa ma saŋɛ nɛ k daga so. Mo alɛ beeŋ nya mbe kulubi be kasogberge

1 Kɔrintebi 11:27

Amoso, ekama nɛ e we Enyɛnpe be bodobodo na nseŋ nuu asɔrso be asɔnuuso na ekpa nɛ k maŋ daga so, wora alubi nna ŋ gbiti Enyɛnpe be eyur nɛ mbe ŋklaŋ na nna na.

1 Kɔrintebi 11:29

Ŋkpal manɛ so, ekama nɛ e ji kejibi na nseŋ nuu asɔnuuso na ashi kawiebi na to nsaa maŋ nyi kusɔ nɛ eyur na bee ŋini, bee ji nna nsaa nuu kasogberge a sa mbe kumu nna na.