Jɛnesis 17:13 - EBƆRƐ BE KAWƆL

¹³ Ekama nɛ b kurge ashi menyi pe nɛ emo nɛ men ta menyi be amansherbi n tɔ efɔ kikɛ kutɔ gba daga fanɛ b ku mo kututu. Saŋɛ na so ma kɔnɔkoŋwule be ŋkre na be tɔɔnɛ beeŋ baa wɔ menyi be eyur so mbaanaayɔ.

Jɛnesis 17:13 ပူးပေါင်းရင်းမြစ်များ

Jɛnesis 14:14

Eebram ka nu fanɛ b pɛ mo sipo pibi na nɛ e tre benapo nɛ b kurge mbe laŋ to kikɛ m ba shɛr. Bumo kikɛ daa wɔ basa alfa asa nɛ kuduaburwa, nɛ b ju m buu bewura ana na so hale n ya fo kade nɛ baa tre Dan na.

Jɛnesis 15:3

Fo maŋ sa ma mbia, amoso ma anya ere be eko e naaŋ ji ma kapetɛ na.”

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 37:27

An fa mo n sa Ishmaɛlebi ere bɔ an ka teŋi enɔ m mɔ mo, ŋkpal manɛ so, an sipo gbagba nna nɛ anyi nɛ mo la ŋklaŋ koŋwule.” Ndoŋ nna nɛ bumo nɛ b ka na nu n sa mo.

Jɛnesis 37:36

Loŋ be saŋɛ malɛ nɛ Ishmaɛlebi nɛ b daŋ tɔ Josɛf na malɛ ta mo n ya fa n sa kanyɛn ko nɛ baa tre Potifa ashi Ijipt be efuli so. Potifa e daa la ewura Fɛɛro be esoji nɛ baa kuŋ mo na be enimu.

Jɛnesis 39:1

Ishmaɛlebi nɛ b daŋ tɔ Josɛf na ka ta mo n yɔ Ijipt be efuli so, Potifa nɛ e la Ijipt be ewura Fɛɛro be esoji nɛ baa kuŋ mo na be enimu na e daŋ tɔ mo. Potifa gba daa la Ijiptebi nna.

Jɛnesis 9:16

Saŋkama nɛ kabɔrɛnyaŋgelambi na lar awɔlpa to, meeŋ wu kumo nseŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na.”

Nehemaya 5:5

Anyi alɛ gba la Juwebi nna, nɛ anyi be mbia nɛ bumo be mbia kikɛ la kukoŋwule. Ama anyi ere bee fa anyi be mbia nna nɛ baa ki anya. Naniere anyi maŋ naa kɔ kechɛto kikɛ be tama ŋkpal an ka ta anyi be adɔsawule nɛ ndibi sɔrso be adɔana ŋ n chɛr ayu so.”

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Ɛksodɔs 12:44

Ama kenya kikɛ nɛ men tɔ nseŋ ku mo kututu bre beeŋ tiŋ n ji kumo.

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Ɛksodɔs 21:2

Fo baŋ tɔ kenya nɛ e la Israɛl be esa, nfɛnshe e daga e ka shuŋ fo, ama kafɛ shunusopo bre to, k daga fanɛ fo shin nɛ e nya mbe kumu nsaa maŋ ka shɛŋ.

Ɛksodɔs 21:4

Nɛ fanɛ mo nyɛnpe e sa mo eche nɛ mo nɛ eche na kurge mbinyɛnso ŋko mbicheso, kumo ere k daga fanɛ eche na nɛ mbe mbia kikɛ ka ki mo nyɛnpe na peya nɛ mo nawule e nya mbe kumu a yɔ.

Levitikɔs 22:11

Ama bɔrɛmatapo be kenya nɛ e ta mbe amansherbi n tɔ ŋko kenya nɛ b kurge mbe laŋ to bre beeŋ tiŋ n ji amo.

Matiu 18:25

E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na.