Jɛnesis 17:11 - EBƆRƐ BE KAWƆL

¹¹ Men be katutuku na e naaŋ ki kɔnɔkoŋwule be ŋkre na be tɔɔnɛ a wɔ ma nɛ menyi be kefɛato.

Jɛnesis 17:11 ပူးပေါင်းရင်းမြစ်များ

Jɛnesis 9:12

Kumo be kaman nɛ Ebɔrɛ kaŋɛ bumo le: “Kɔnɔ nɛ mee nase nɛ k baa wɔtɔ mbaanaayɔ n sa menyi nɛ asɔ futeso kama nɛ menyi nɛ amo wɔtɔ ere be tɔɔnɛ nde:

2 Samuɛl 3:14

Kede be kaman nɛ Deevid shuŋi mbɔ Ishboshɛf kutɔ fanɛ b ya kaŋɛ mo le: “Men shin nɛ ma eche Mikaal e laŋɛ m ba ŋ kutɔ, ŋkpal manɛ so, Filistiebi be basa kalfa nɛ m mɔ pɔɛŋ nseŋ nya mo n ta.”

Ɛksodɔs 12:48

Efɔ kama nɛ e ba tu menyi n chena nsaa sha fanɛ e ti menyi so n ji kumo m maŋkura Enyɛnpe na, k daga fanɛ mbe laŋ to be benyɛn kikɛ e ku atutu. Kumo be kaman pɔɛŋ nɛ loŋ be efɔ na e tiŋ n tu menyi n wora kejigboŋ na be aworbi fanɛ Israɛl be kadetobia, a daga fanɛ e ku kututu.

Ɛksodɔs 4:25

Ndoŋ nna nɛ mbe eche Zipora ta kefalta jiso ko ŋ ku mo pibinyɛn be kututu nseŋ ta kumo be kawɔl na m beta Mosis be ayadra ŋ kaŋɛ mo le: “Kashenteŋto naniere fo ki ŋ kul nna, amoso fo maaŋ naŋ wu.”

Ashuŋ Shunso 7:8

Kumo be kaman nɛ Ebɔrɛ shin nɛ mo nɛ Eebraham nase kɔnɔ nɛ e kaŋɛ Eebraham fanɛ mbe kaman to ebi e baa ku atutu a ŋini fanɛ b sɔ kɔnɔ naseso na. Amoso, b ka kurge Aizek mbe kachɛ burwasopo nɛ Eebraham ku mo kututu nɛ Aizek malɛ ba ku Jeekɔb peya nɛ Jeekɔb malɛ ku mbe mbia, basa kuduanyɔ nɛ b juŋkpar Israɛlebi be kanaŋ kuduanyɔ na be atutu.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Joshuwa 5:3

Ndoŋ nna nɛ Joshuwa bɛ kusɔ nɛ Enyɛnpe Ebɔrɛ kaŋɛ mo na so nseŋ ku Israɛlebi na be atutu ashi kakpa nɛ b nase kumo be ketre Gibiaf Haaralɔf.