Jɛnesis 17:10 - EBƆRƐ BE KAWƆL

¹⁰ K daga fanɛ fo nɛ fo echefoso be kaman to ebi kikɛ e baa ku menyi to be benyɛn kikɛ atutu.

Jɛnesis 17:10 ပူးပေါင်းရင်းမြစ်များ

Jɛnesis 17:11

Men be katutuku na e naaŋ ki kɔnɔkoŋwule be ŋkre na be tɔɔnɛ a wɔ ma nɛ menyi be kefɛato.

Jɛnesis 17:23

Kumo be kachɛ na malɛ gbagba nɛ Eebraham wora kasonu n sa Ebɔrɛ nseŋ ku mo pibinyɛn Ishmaɛl nɛ benyɛn kama nɛ b kurge mbe laŋ to na kikɛ atutu n ta anya nɛ b daŋ kurge ashi mbe laŋ to nɛ bumo nɛ e tɔ n ti so.

Jɛnesis 17:27

Loŋ be kachɛ na gbagba nɛ b daŋ ku Eebraham be laŋ to be enyɛn kama, bumo nɛ b kurge mbe laŋ to nɛ bumo nɛ b daŋ tɔ na kikɛ.

Jɛnesis 21:4

Eebraham pibinyɛn Aizek na ka fo nchɛmburwa nɛ Eebraham bɛ Ebɔrɛ be kɔnɔ so ŋ ku mo kututu.

Jɛnesis 34:15

Ekpa koŋwule so nawule nɛ anyeeŋ shuli n sa fo. Kumo e la fanɛ menyeeŋ ki fanɛ anyi nna, nseŋ ku menyi be benyɛn kikɛ atutu.

Jɛnesis 34:22

Ama basa na be kechena anyi be kasawule ere so beeŋ shi kananɛ anyeeŋ baa shuli a ku atutu fanɛ bumo nna.

Ɛksodɔs 12:48

Efɔ kama nɛ e ba tu menyi n chena nsaa sha fanɛ e ti menyi so n ji kumo m maŋkura Enyɛnpe na, k daga fanɛ mbe laŋ to be benyɛn kikɛ e ku atutu. Kumo be kaman pɔɛŋ nɛ loŋ be efɔ na e tiŋ n tu menyi n wora kejigboŋ na be aworbi fanɛ Israɛl be kadetobia, a daga fanɛ e ku kututu.

Ɛksodɔs 4:25

Ndoŋ nna nɛ mbe eche Zipora ta kefalta jiso ko ŋ ku mo pibinyɛn be kututu nseŋ ta kumo be kawɔl na m beta Mosis be ayadra ŋ kaŋɛ mo le: “Kashenteŋto naniere fo ki ŋ kul nna, amoso fo maaŋ naŋ wu.”

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Baru lela nɛ Jɔn kute na 7:22

Ama ŋkpal Mosis ka sa menyi mbra fanɛ men baa ku atutu so, menyee ku menyi be mbiana nna kewushiachɛ. Ama kashenteŋto, mannɛ Mosis e daŋ sa menyi mbra na, men nananyɛnana e nase kumo.

Ashuŋ Shunso 7:8

Kumo be kaman nɛ Ebɔrɛ shin nɛ mo nɛ Eebraham nase kɔnɔ nɛ e kaŋɛ Eebraham fanɛ mbe kaman to ebi e baa ku atutu a ŋini fanɛ b sɔ kɔnɔ naseso na. Amoso, b ka kurge Aizek mbe kachɛ burwasopo nɛ Eebraham ku mo kututu nɛ Aizek malɛ ba ku Jeekɔb peya nɛ Jeekɔb malɛ ku mbe mbia, basa kuduanyɔ nɛ b juŋkpar Israɛlebi be kanaŋ kuduanyɔ na be atutu.

Romebi 2:28

Mannɛ kenishiso nɛ baa ta a pin Juw, mannɛ kuku kututu be nwɔl na n lɛ na malɛ e la kashenteŋ be katutuku na.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 3:28

Ŋkpal manɛ so, kusɔ nɛ an baa kɔ to e la fanɛ yirda e naa shin nɛ esa bee ji a lar Ebɔrɛ be anishito, mannɛ kebaabɛ mbra na be asheŋ woraso so.

Romebi 3:30

Ebɔrɛ koŋwule e wɔtɔ, mo alɛ Juwebi nɛ basa pɔtɛ kikɛ, ekpa koŋwule so nɛ e bee bɔla a shin nɛ baa ji a lar. Bumo kikɛ be yirda so nɛ e bee yili a wora loŋ.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Galeeshaebi 6:12

Bumo nɛ baa sha keta asɔ nɛ basa bee wu kenishiso a ji njɔŋ ere e la basa nɛ baa wora ania a sha fanɛ b tintiŋ menyi nɛ men ku atutu na. Bumo alɛ kusɔ nɛ k baŋ ba nɛ baa wora loŋ na e la kananɛ baaŋ wora a maaŋ luri tɔrɔ to. Le be tɔrɔ ere bee shi Kristo be luwu nɛ e wu kedibi largato na so to nna.

Ɛfesesebi 2:11

Amoso, men baa nyiŋi fanɛ menyi nɛ b kurge nnyamase nɛ bumo nɛ edimɛdi ta enɔana ŋ ku bumo atutu nɛ bumo koŋwule na bee tre menyi asoliwuraana ere, fanɛ menyi nɛ Kristo na daŋ barga abar nna.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Joshuwa 5:2

Jemanɛ nɛ Israɛlebi na daa wɔ Gilgaal na nɛ Enyɛnpe Ebɔrɛ kaŋɛ Joshuwa le: “Shil ajembu pɛlpɛlbi ŋ ku Israɛlebi na atutu.”

Joshuwa 5:4

Kusɔ nɛ k ba nɛ e daŋ wora loŋ e la fanɛ saŋɛ so nɛ b daŋ lar Ijipt a ba na bekama nɛ b daŋ fo kena be kekɔ na kikɛ daŋ wu nna ashi keshishɛrsawule na so.