Jɛnesis 17:1 - EBƆRƐ BE KAWƆL

¹ Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 17:1 ပူးပေါင်းရင်းမြစ်များ

Jɛnesis 12:1

Kachako nɛ Enyɛnpetale na kaŋɛ Eebram: “Lar fo efuli so nɛ fo basa to nɛ fo tuto be kowu to nseŋ yɔ kasawule nɛ mee sha keŋini fo ere so.

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 16:16

Kumo be saŋɛ nɛ Eebram nya nfɛ aduburwa nɛ ashe.

Jɛnesis 18:1

Kachako nɛ Enyɛnpe na naŋ lar Eebraham so ashi Mamre be ndibigboŋ na ase. Loŋ be kachɛ na K daa la kapaso nna nɛ kaboŋ bel edɛ nɛ Eebraham tase mbe wajɛbu be kabuna to.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Jɛnesis 24:40

Nɛ e kaŋɛ ma fanɛ Enyɛnpe nɛ e bee bɛ mo so na beeŋ shin nɛ mbe malaika e juŋkpar ma n yɔ n ya shin nɛ n nya kumulela n nya eche ashi mbe kanaŋ to nɛ mo tuto pe m ba sa mo pibi na.

Jɛnesis 26:2

Ndoŋ nna nɛ Enyɛnpe lar Aizek so ŋ kaŋɛ mo le: “Sa maŋ kaŋ yɔ Ijipt, baa wɔ kasawule mo nɛ ŋ kaŋɛ fanɛ fo baa wɔ so ere so.

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 48:3

“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,

Jɛnesis 5:22

B ka kurge Mɛtusela be kaman nɛ Inɔk nɛ Ebɔrɛ luri kɔnɔkoŋwule be kebaawɔtɔ to n ji keteri nfɛ alfa asa. Kumo be jemanɛ so nɛ mo nɛ mbe eche naŋ kurge bibinyɛn nɛ becheso ko n ti mo so.

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

1 Bewura 2:4

Fo nɛ fo kaman to ebi kikɛ baa nu a sa Enyɛnpe Ebɔrɛ na kashenteŋto nɛnɛ bre, mbe kɔnɔ kpakpaso nɛ e nase n sa ma fanɛ ma kanaŋ to be esa e naaŋ baa ji Israɛl be kuwura saŋkikɛ na, beeŋ bɔlɔ so.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

1 Bewura 8:25

Naniere, Enyɛnpe Israɛl be Ebɔrɛ, shin nɛ fo kɔnɔ nɛ fo nase n sa n tuto fanɛ mbe kaman to ebi e naaŋ baa ji Israɛl be kuwura, nɛ baaŋ baa wora kasonu a sa fo mbra na fanɛ kananɛ n daŋ wora na, bɔlɔ so.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 11:7

Feeŋ tiŋ m pin Enyɛnpetale Ebɔrɛ be keshi nɛ mbe eleŋgboŋ to a?

Nshɛ 115:3

Anyi be Ebɔrɛ na wɔ ebɔrɛso nna a wora kusɔ nɛ e bee sha.

Nshɛ 116:9

Naniere ma nɛ mo e naŋ baa bɔ aya a nite ashi basa nɛ b wɔ ŋkpa to be kasawule so.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Ɛksodɔs 6:3

N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Aŋasa 10:9

Beshenteŋjipo bee nya kekuŋ nna, nɛ shɛŋ maa gbuŋgbuŋ bumo; ama kebirkɔnshiwura be asheŋ beeŋ lar efuli.

Aizaaya 38:3

“Enyɛnpe Ebɔrɛ, baa nyiŋi kananɛ n daŋ shuŋ fo kashenteŋ nɛ kagbene koŋwule so. Ma alɛ wora ania fanɛ meeŋ baa wora kusɔ kama nɛ fee sha.” Kumo be kaman nɛ e shu ga.

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Nɔmbɛs 11:23

Nɛ Enyɛnpe Ebɔrɛ kaŋɛ le: “Kusɔ ko du ma Enyɛnpe na so kpakpa a? K maaŋ chɛr, menyeeŋ wu kusɔ nɛ ŋ kaŋɛ ere ka wora.”

Nɔmbɛs 24:16

Mo e naa nu Ebɔrɛ be mmalga nsaa pin amo to; Mo e kɔ nfɛra nɛ k shi Enyɛnpetale Ebɔrɛ na kutɔ, nsaa nya kewuŋkaŋɛ Enyɛnpetale Ebɔrɛ na kutɔ, nsaa tɔr kasawule a bunyaŋ mo na.

Matiu 19:26

Ndoŋ nna nɛ Yesu keni bumo nseŋ kaŋɛ le: “Nyiŋgbasa bre kutɔ loŋ maaŋ tiŋ n wora, ama shɛŋ shɛŋ maŋ du Ebɔrɛ so kpakpa.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Ashuŋ Shunso 23:1

Nɛ Pɔɔl keni nshɛrwuraana na diimbi nseŋ kaŋɛ: “Ŋ kurgepoana, hale kabre ma kagbene to maa wora ma shikashika Ebɔrɛ be anishito fanɛ m maŋ kɔ kebaawɔtɔ cheembi.”

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Ditɛronɔmi 18:13

Menyi ere daga fanɛ men baa ji kashenteŋ a sa Enyɛnpe Ebɔrɛ na ekpa kikɛ so nna nsaa maa wora ekishisheŋ ere.”

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.