Jɛnesis 16:8 - EBƆRƐ BE KAWƆL

⁸ nseŋ bishi mo: “Heega, Sɛɛrai be kebita, nnɛ nɛ fo shi m ba nfe nɛ nnɛ malɛ nɛ fee yɔ?” Nɛ e kaŋɛ: “Mee shile ashi n chepe Sɛɛrai kutɔ nna.”

Jɛnesis 16:8 ပူးပေါင်းရင်းမြစ်များ

Jɛnesis 16:1

Saŋɛ ere so kikɛ nɛ Eebram be eche Sɛɛrai daa maŋ naŋ kurge mbia n sa mo. Sɛɛrai malɛ daa kɔ Ijipt be kebita ko nɛ baa tre mo Heega.

Jɛnesis 16:4

Ndoŋ nna nɛ Eebram nɛ Heega gama keche nɛ kenyɛn nɛ e di kedampo. Heega ka baŋ pin fanɛ e di kedampo na nɛ e nya kamoowu nseŋ daa maŋ naa keni Sɛɛrai a bɔlɔ kenishi.

Jɛnesis 16:9

Nɛ Enyɛnpe be malaika na kaŋɛ mo: “Bɛta n yɔ mo kutɔ n ya ka la mbe kebita.”

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 3:9

Ndoŋ nna nɛ Enyɛnpe Ebɔrɛ tre enyɛn na m bishi mo le: “Fo wɔ nnɛ?”

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

1 Bewura 19:13

Anebi Elaija ka nu loŋ be ebɔl na nɛ e ta mbe piŋi m buu mbe anishi so nseŋ lar kebeelaŋ na to n ya yili kumo be kabuna to. Ndoŋ nna nɛ Enyɛnpe Ebɔrɛ naŋ bishi mo le: “Elaija manɛ nɛ fee wora nfe?”

1 Bewura 19:9

Kumo be kanyɛso nɛ e yɔ kebeelaŋ to n ya dese a di. Ndoŋ nɛ e wɔ nɛ Enyɛnpe Ebɔrɛ na bishi mo le: “Elaija manɛ nɛ fee wora nfe?”

2 Bewura 5:25

Kede be kaman nɛ Gehazi bɛta n yɔ laŋ to Elaisha kutɔ nɛ Elaisha bishi mo le: “Nnɛ nɛ fo shi?” Nɛ e yɛ: “N nyɛnpe, maŋ shi kaplɛkama.”

Kaŋinichiŋgeliŋ 10:4

Hale ewurjipo nya agbo n wɔtɔ fo gba, sa maŋ kaŋ kini kushuŋ nɛ fee shuŋ a sa mo na. Fo kewushi kagbene m bar fo kumu kaseto beeŋ tiŋ n shin nɛ e ta fo kewora n jija na m paŋ fo.

Demujipoana 19:17

Kanyɛnnimubi na ka wu befɔ na kelɔnɛ na so na nɛ e bishi bumo: “Nnɛ nɛ men shi? Nnɛ nɛ menyee yɔ?”

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.