Jɛnesis 16:7 - EBƆRƐ BE KAWƆL

⁷ Ndoŋ nna nɛ Enyɛnpe Ebɔrɛ be malaika ya tu Heega ketirbu ko ase ashi keshishɛrsawule ko so ashi Shur be ekpa to,

Jɛnesis 16:7 ပူးပေါင်းရင်းမြစ်များ

Jɛnesis 20:1

Eebraham daŋ koso Mamre nna n ya chena Kadɛsh nɛ Shur be kefɛato be keshishɛrsawule nɛ baa tre Negɛf na be efuli so. Saŋko e daŋ ya chena Gerar nna n wora nchɛnnyɔ.

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 21:18

Koso n ya pɛ kebia na be enɔ to m maŋ mo so. Meeŋ shin nɛ e ki efuligboŋ ko so ebi be kumuwura.”

Jɛnesis 21:19

Kamalga ere be kaman nɛ Ebɔrɛ shin nɛ Heega wu ketirbu ko nɛ k kɔ nchu nɛ e ya jɔ amo m bɔlɔ deŋkeŋ na m ba sa kebia na nɛ e nuu.

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 22:15

Kumo be kaman nɛ Enyɛnpe be malaika na naŋ yili ebɔrɛso n tre Eebraham kela nyɔsopo ŋ kaŋɛ fanɛ

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 25:18

Ishmaɛl be kaman to ebi daa tase kakpa nɛ k wɔ Havila nɛ Shur be kefɛato ashi Ijipt be efuli so be ekarso a yɔ Asiriya be efuli so be kaba so nna. Bumo nɛ bumo kurgepoana daa maŋ chena abar so.

Jɛnesis 31:11

Ndoŋ nna nɛ Ebɔrɛ be malaika tre ma edare na to ŋ kaŋɛ: ‘Jeekɔb’ nɛ n shuli ŋ kaŋɛ: ‘Ma nde.’

Ɛksodɔs 15:22

Ade kikɛ be kaman nɛ Mosis juŋkpar Israɛlebi na ŋ koso teku peper na ase n nite n ya luri Shur be keshishɛrsawule so. B daŋ nite keshishɛrsawule na so nchɛ asa nɛ b maŋ nya nchu nɛ b nuu.

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

1 Samuɛl 15:7

Nɛ Sɔɔl yili Havila kikɛ ŋ kɔ m pɔɔ Amalɛkebi na so hale n ya fo Shur nɛ k wɔ Ijipt be efuli so be epeŋilarkpa na.