Jɛnesis 16:5 - EBƆRƐ BE KAWƆL

⁵ Nɛ Sɛɛrai kaŋɛ Eebram: “Fo e shin nɛ Heega bee keni ma jiga na. Ma alɛ gbagba e ta mo n sa fo, ama yili saŋɛ nɛ e wu fanɛ e kɔ kedampo na kikɛ e maŋ naa tre ma ere shɛŋ. Enyɛnpe Ebɔrɛ na malɛ e naaŋ ji ma nɛ fo demu n wu emo nɛ e kɔ kashenteŋ, fo ŋko ma.”

Jɛnesis 16:5 ပူးပေါင်းရင်းမြစ်များ

Jɛnesis 16:4

Ndoŋ nna nɛ Eebram nɛ Heega gama keche nɛ kenyɛn nɛ e di kedampo. Heega ka baŋ pin fanɛ e di kedampo na nɛ e nya kamoowu nseŋ daa maŋ naa keni Sɛɛrai a bɔlɔ kenishi.

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

Nshɛ 35:23

Niŋi to, ŋ koso m ba kuŋ ma. Enyɛnpe, ma Ebɔrɛ; ba kɔ n sɔ ma.

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Jɛremaya 51:35

Babilɔn be efuli so be basa piira anyi be beko nseŋ mɔ beko malɛ. Naniere, Enyɛnpe Ebɔrɛ, shin nɛ b ka kumo be kukɔ!”

Demujipoana 11:27

M maŋ wora fo kulubi kikɛ, ama fo e naa wora kulubi ŋkpal fo ka bee fin ma kolu so. Enyɛnpe Ebɔrɛ na e naaŋ keni Israɛlebi nɛ Ammɔnebi be demu ere to nseŋ ji kumo.”

1 Samuɛl 24:16

Deevid ka malga n loge nɛ Sɔɔl kaŋɛ le: “M pibi Deevid, fo nna a?” Kumo be kaman nɛ e fara a shu awɔrso