Jɛnesis 16:3 - EBƆRƐ BE KAWƆL

³ Nɛ Sɛɛrai ta mbe Ijipt be kebita Heega na n sa Eebram fanɛ e ki mbe eche. Eebram daŋ chena Keenan beeŋ wora nfɛ kudu be kaman nna pɔɛŋ nɛ loŋ be kesheŋ na wora.

Jɛnesis 16:3 ပူးပေါင်းရင်းမြစ်များ

Jɛnesis 16:16

Kumo be saŋɛ nɛ Eebram nya nfɛ aduburwa nɛ ashe.

Jɛnesis 16:4

Ndoŋ nna nɛ Eebram nɛ Heega gama keche nɛ kenyɛn nɛ e di kedampo. Heega ka baŋ pin fanɛ e di kedampo na nɛ e nya kamoowu nseŋ daa maŋ naa keni Sɛɛrai a bɔlɔ kenishi.

Jɛnesis 16:5

Nɛ Sɛɛrai kaŋɛ Eebram: “Fo e shin nɛ Heega bee keni ma jiga na. Ma alɛ gbagba e ta mo n sa fo, ama yili saŋɛ nɛ e wu fanɛ e kɔ kedampo na kikɛ e maŋ naa tre ma ere shɛŋ. Enyɛnpe Ebɔrɛ na malɛ e naaŋ ji ma nɛ fo demu n wu emo nɛ e kɔ kashenteŋ, fo ŋko ma.”

Jɛnesis 21:21

Kiyi na to nɛ e daa wɔ nɛ mo nio ya fin eche ashi Ijipt be efuli so m bar mo.

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Jɛnesis 28:9

Nɛ e kpal loŋ so n yɔ Eebraham pibinyɛn Ishmaɛl pe n ya ta mo pibiche Mahalat nɛ e daa la Nabaiɔt mo sipoche na n ti mbe beche so.

Jɛnesis 30:4

Kamalga ere be kaman nɛ Reechel ta mbe kebita Bilha n sa mo kul Jeekɔb fanɛ e ta mo ŋ ki mbe eche.

Jɛnesis 30:9

Lia malɛ ka wu fanɛ e maŋ naa kurge nɛ mo alɛ gba ta mbe kebita Zilpa n sa mo kul fanɛ e ta mo ŋ ki mbe eche.

Jɛnesis 32:22

Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

2 Samuɛl 5:13

Pɔɛŋ nɛ Deevid lar Hibrɔn m ba Jerusalɛm na, e daŋ ta bejipo nɛ beche nna n ti bumo nɛ e daa kɔ na so nseŋ kurge mbinyɛnbi nɛ mbichebi damta.

1 Bewura 11:3

E daŋ ta bewura be mbichebi alfa ashunu a kil nsaa kɔ bejipo malɛ alfa asa. Bumo e daŋ shin nɛ e kini Ebɔrɛ.

Galeeshaebi 4:25

Nɛ esa baa malga Heega be asheŋ, kumo ere Sainai be kebee nɛ k wɔ Areebia be efuli so na be asheŋ nɛ e bee ji na. Mo nɛ baa ta a ber Jerusalɛm nɛ anyee wu ere nna, ŋkpal manɛ so, kumo nɛ kumo be mbia la anya nna a wɔtɔ.