Jɛnesis 16:2 - EBƆRƐ BE KAWƆL

² Kachako nɛ Sɛɛrai kaŋɛ Eebram: “Keni, Enyɛnpe maŋ sa ma kakurge nna na, nɛ manɛ nna nɛ fo maaŋ tu ma kebita ere n di? Ashere e beeŋ kurge mbia n sa ma.” Ndoŋ nna nɛ Eebram shuli n sa Sɛɛrai.

Jɛnesis 16:2 ပူးပေါင်းရင်းမြစ်များ

Jɛnesis 11:30

Sɛɛrai malɛ daa maa kurge, e daa la egbentepo nna.

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 18:10

Ndoŋ nna nɛ basa asa na to be emo nɛ e la Enyɛnpe na kaŋɛ: “Kafɛ a ba saŋɛ ere so, meeŋ naŋ bɛta m ba fo kutɔ. Loŋ be saŋɛ na malɛ nɛ fo eche Sɛɛra kurge ebinyɛn.” E ka bee malga na nɛ Sɛɛra wɔ mbe kaman ashi wajɛbu na be kabuna to a nu kusɔ nɛ baa malga na.

Jɛnesis 19:31

Ndoŋ nna nɛ kachako Lɔt pibiche gboŋiso na kaŋɛ mo sipo le: “An tuto bee ki kanyɛnnimubi nna na, benyɛn malɛ maŋ wɔ kaplɛkama nɛ b ta anyi ŋ kil nɛ an kurge mbia.

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Jɛnesis 3:12

Nɛ enyɛn na kaŋɛ: “Eche mo nɛ fo ta n wɔtɔ ŋ kutɔ nfe na e sa ma kedibi na be kusɔrso nɛ n ji.”

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

Jɛnesis 30:22

B wɔtɔ loŋ nɛ Ebɔrɛ ba nyiŋi Reechel n nu mbe kekule nseŋ bugi mbe kakurgesha

Jɛnesis 30:6

Ndoŋ nna nɛ Reechel kaŋɛ: “Naniere bre, Ebɔrɛ ji n chɛ ma to n nu ma kabɔrɛkule nseŋ sa ma ebinyɛn.” Amoso ketre nɛ e daŋ sa mo e daa la Dan.

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Ɛksodɔs 21:4

Nɛ fanɛ mo nyɛnpe e sa mo eche nɛ mo nɛ eche na kurge mbinyɛnso ŋko mbicheso, kumo ere k daga fanɛ eche na nɛ mbe mbia kikɛ ka ki mo nyɛnpe na peya nɛ mo nawule e nya mbe kumu a yɔ.

Ruf be kawɔl 4:11

Ndoŋ nna nɛ benimuana na nɛ bekama nɛ b daa wɔ kejaŋ na so na kikɛ shuli ŋ kaŋɛ: “Mm, an kikɛ wora kumo be loŋ be shɛda. Enyɛnpe Ebɔrɛ e nɛfa eche nɛ e bee ba fo laŋ to na n shin nɛ e kurge mbia damta fanɛ Reechel nɛ Lia nɛ b daŋ chɛ abar ŋ kurge mbia damta n sa Jeekɔb nɛ kumo be loŋ shin nɛ Israɛl ki efuligboŋ na. Ebɔrɛ e shin nɛ fo dii dama ashi Efrata nsaa nya bunyaŋ ashi Bɛtlɛhɛm to.