Jɛnesis 15:8 - EBƆRƐ BE KAWƆL

⁸ Ndoŋ nna nɛ Eebram kaŋɛ: “Enyɛnpetale lela, manɛ e naaŋ baa la tɔɔnɛ fanɛ kasawule ere beeŋ baa la meya?”

Jɛnesis 15:8 ပူးပေါင်းရင်းမြစ်များ

Jɛnesis 15:9

Kumo be kaman nɛ Enyɛnpe Ebɔrɛ na kaŋɛ mo: “Bar ma nache fɔlbi nɛ kaboelote nɛ kpakpa, nɛ b fo nfɛ asasa, n ta lepɔ nɛ keli fɔlbi gba n ti so.”

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

2 Bewura 20:8

Kumo be kaman nɛ ewura Hɛzekaya bishi: “Manɛ e naŋ ŋini fanɛ Enyɛnpe Ebɔrɛ beeŋ chɛ ma nɛ n tiŋ n yɔ mbe bɔrɛlambu to n ya shuŋ mo nchɛ asa be kefɛato?”

Nshɛ 86:17

Shin nɛ ekama e pin alelasheŋ nɛ fee wora a sa ma. Saŋɛ na so ma doŋana beeŋ wu kumo be loŋ nɛ nyɔmɔ e pɛ bumo. Ŋkpal manɛ so, fo Enyɛnpe Ebɔrɛ na, e chɛ ma to nseŋ lolo ma nɛ ma kagbene wushi ma.

Aizaaya 7:11

E yɛ: “Kule Enyɛnpe fo Ebɔrɛ na nɛ e sa fo tɔɔnɛ ko a ŋini fanɛ kusɔ nɛ e kaŋɛ na beeŋ wora m bɔlɔ so. K beeŋ tiŋ n shi kasawule be kechimbi to ŋko ebɔrɛso.”

Jɛremaya 34:18

Juda nɛ Jerusalɛm be benimuana na nɛ ewurkpa be benimuana na nɛ bɔrɛmatapoana na nɛ bejuŋkparpoana na kikɛ nɛ ma e daŋ wora kɔnɔkoŋwule be ŋkre na. B daŋ mɔ gbolu nna nseŋ ku kumo to anyɔ n nase nseŋ bɔla amo nferinto n choŋ m mɔ ŋkre na so. Ama b maŋ wora m bɔlɔ kɔnɔkoŋwule be ŋkre na so, amoso meeŋ wora bumo kusɔ nɛ b wora gbolu na.

Luuk 1:18

Nɛ Zakareya kaŋɛ malaika na: “Ma nɛ ma eche kikɛ bel, nɛ nuso nɛ meeŋ wora m pin fanɛ k la kashenteŋ nna?”

Luuk 1:34

Nɛ Mɛɛri bishi malaika na: “M maŋ nyi enyɛn nɛ nuso nɛ le be kusɔ beeŋ tiŋ n wora?”