Jɛnesis 15:5 - EBƆRƐ BE KAWƆL

⁵ Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 15:5 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 16:10

Enyɛnpe be malaika na ka kaŋɛ loŋ be kaman nɛ e naŋ kaŋɛ Heega le n ti so: “Meeŋ sa fo kanaŋ damta nɛ esa kikɛ maaŋ tiŋ ŋ karga bumo.

Jɛnesis 17:2

Saŋɛ na so ma nɛ fo be kɔnɔkoŋwule be ŋkre fanɛ meeŋ shin nɛ fo kanaŋ to ebi e wora keshi ga na, beeŋ bɔlɔ so.”

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 28:14

Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

Jɛnesis 32:13

Jeekɔb nɛ mbe basa na daŋ di ndoŋ nna ŋklade. Kare ka chɛ nɛ e lara asɔ nɛ e kɔ na to be ako nɛ e ya kɛ mo da Isɔɔ.

1 Bewura 3:8

Naniere, ma nɛ fo ta ŋ ki fo basa nɛ fo lara nɛ b shibi m baŋ so kekarga na be ewura,

1 Kronikɛls 27:23

Ewura Deevid daa maŋ karga Israɛl be basa nɛ b daa maŋ naŋ fo nfɛ adunyɔ na ŋkpal Enyɛnpe Ebɔrɛ ka daŋ nase kɔnɔ fanɛ e beeŋ shin nɛ Israɛl be basa e wora kishi fanɛ achɛkpabi nɛ a wɔ awɔlpa to.

Nehemaya 9:23

Fo daŋ bar bumo kasawule nɛ fo nase kumo be kɔnɔ n sa bumo nanaana na so nna. Kumo be kaman nɛ fo nɛfa bumo nɛ k wora fanɛ bumo be efuli so be basa ka daa shi a chɔ achɛkpabi nɛ e wɔ awɔlpa to na.

Job be kawɔl 35:5

Men keni kananɛ bɔrɛwɔlpa wɔ esoso kufɔ loŋ!

Nshɛ 147:4

Mo e yili kananɛ achɛkpabi beeŋ ba sa awɔlpa so nseŋ nase amo be kekama ketre a tre kumo.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Romebi 4:18

Saŋɛ nɛ Eebraham daŋ yirda nseŋ tama na, e daa maŋ wu shɛŋ pɔɛŋ nna nseŋ tama. Amoso nɛ e ki efuli damta so ebi bumo tuto fanɛ kananɛ abɔrɛsibɛ na kaŋɛ mo le na: “Loŋ nɛ fo kaman to ebi beeŋ ba wora keshi a sa.”

Ditɛronɔmi 1:10

Enyɛnpe, menyi be Ebɔrɛ na malɛ naŋ shin nɛ men wora keshi fanɛ achɛkpabi ashi awɔlpa so.

Ditɛronɔmi 10:22

Menyi nananyɛnana nɛ b daŋ yɔ Ijipt be efuli so na daa la basa adushunu nna. Ama naniere Enyɛnpe menyi be Ebɔrɛ na shin nɛ men wora keshi a du fanɛ achɛkpabi nɛ a wɔ awɔlpa to na.

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.

Joshuwa 24:3

Ndoŋ nna nɛ n lara men nananyɛn Eebraham ashi Yufreetes be kaba ndoŋ n ya ta mo n nite Keenan be kasawule so kikɛ. N daŋ sa mo ebinyɛn nɛ baa tre mo Aizek nɛ e ki kanaŋ damtawura.