Jɛnesis 15:14 - EBƆRƐ BE KAWƆL

¹⁴ Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Jɛnesis 15:14 ပူးပေါင်းရင်းမြစ်များ

Jɛnesis 48:21

Kumo be kaman nɛ Jeekɔb kaŋɛ Josɛf: “M maaŋ naŋ chɛr nseŋ wu, ama Ebɔrɛ beeŋ baa wɔ menyi kutɔ n naŋ yɛr menyi men nananyɛnana be kasawule so.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Nshɛ 105:42

E daa nyiŋi mbe nnɔ naseso cheembi nɛ e nase n sa mbe kayɛrbi Eebraham na nna.

Nshɛ 135:14

Ŋkpal manɛ so, Enyɛnpe Ebɔrɛ maaŋ ji m bri mbe basa; e beeŋ wu bekama nɛ baa shuŋ mo na kuwɔr.

Nshɛ 135:9

Mo e daŋ bɔla emamachisheŋ nɛ alemaŋkarsheŋ so ŋ gberge Ijipt be ewura, Fɛɛro, nɛ mbe basa kikɛ kusoe na.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 3:10

Amoso mee shuŋi fo Ijipt be ewura Fɛɛro kutɔ nna naniere nɛ fo ya lara ma basa Israɛlebi ashi efuli na so.”

Ashuŋ Shunso 7:7

Ama meeŋ gberge basa nɛ fo kaman to ebi beeŋ shuŋ na kusoe pɔɛŋ n shin nɛ fo basa na e lar efuli na so m ba nfe m ba kaa bunyaŋ ma.’

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 6:22

Anyi gbagba wu e ka wora emamachisheŋ nseŋ shin nɛ alemaŋkarsheŋ ba Ijiptebi na nɛ bumo be ewura nɛ benimuana kikɛ so.

Joshuwa 24:17

Enyɛnpe Ebɔrɛ na ka lara anyi nɛ an tutoana kenyaya to ashi Ijipt be kasawule so na, an wu emamachisheŋ nɛ e daŋ wora. Mo e daŋ kuŋ anyi ashi anyi be enite kikɛ to ashi efuli kama so nɛ an bɔla n choŋ.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.