Jɛnesis 15:13 - EBƆRƐ BE KAWƆL

¹³ Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 15:13 ပူးပေါင်းရင်းမြစ်များ

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 47:4

An ba nfe nna nɛ an ba kaa wɔ nfe n ya fo saŋko. Ŋkpal akoŋ ka wɔ Keenan ga so fo anya be asɔbɔya maŋ naa nya afitiri ndoŋ a ji. Amoso, jande, shin nɛ anyi, fo anya e baa wɔ Goshen kaba so.”

Nshɛ 105:42

E daa nyiŋi mbe nnɔ naseso cheembi nɛ e nase n sa mbe kayɛrbi Eebraham na nna.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 1:13

Ŋkpal loŋ so b daŋ shin nna nɛ Israɛl be basa na bee shuŋ ashuŋ kpakpaso kananɛ k maŋ daga

Ɛksodɔs 1:14

nɛ kebaawɔtɔ ki nyaŋnyaŋ n sa bumo ŋkpal loŋ so. B daa shin nɛ baa baga eshii a kuya ebirkesi a pɔr nwu nsaa shuŋ ndɔana to nna. Bumo alɛ daa maa wu Israɛlebi na kuwɔr kikɛ.

Ɛksodɔs 2:24

Nɛ Ebɔrɛ nu bumo be nfubel na nseŋ nyiŋi mbe kɔnɔkoŋwule be ŋkre nɛ k wɔ mo nɛ bumo nananyɛnana Eebraham nɛ Aizek nɛ Jeekɔb be kefɛato na.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 23:9

Men sa maa mɛaŋ befɔ, ŋkpal manɛ so men nyi kananɛ kebaala efɔ du. Menyi alɛ gba daa la befɔ nna ashi Ijipt be kasawule so.

Ɛksodɔs 3:10

Amoso mee shuŋi fo Ijipt be ewura Fɛɛro kutɔ nna naniere nɛ fo ya lara ma basa Israɛlebi ashi efuli na so.”

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Nɔmbɛs 20:15

nɛ kananɛ an nananyɛnana daŋ yɔ Ijipt be kasawule so nɛ kananɛ an chena ndoŋ n chɛr nɛ Ijiptebi na daŋ tɔrɔ anyi ga.

Ashuŋ Shunso 7:17

Ama kɔnɔ nɛ Ebɔrɛ daŋ nase n sa Eebraham na be jemanɛ ka ba taga to, k bɔla ekpa nɛ anyi be basa nɛ b daa wɔ Ijipt na malɛ wora keshi n ti so.

Galeeshaebi 3:17

Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.

Ditɛronɔmi 10:19

Amoso men baa keni befɔ nɛ b tu menyi n chena na so, ŋkpal manɛ so, menyi alɛ gba daa la befɔ nna ashi Ijipt be efuli so.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.